«Biz» teatrynyń maýsymashar jańa qoıylymy jastardy shynaıy sezimdi ardaqtaýǵa tárbıeleýdi kózdeıdi - rejısser Ǵalymjan Saılaýbekov
ALMATY. 17sáýir. QazAqparat - Teatrdyń talantty jastary tek qazaq ómirin, turmysyn ǵana kórsetip qoımaı, bul joly XIV-XV ǵasyrdaǵy Eýropanyń turmys-tirshiligin kórsete bildi.
Almatydaǵy ál-Farabı atyndaǵy Qazaq ulttyq ýnıversıtetiniń "Biz" stýdentter teatrynyń rejısseri Ǵalymjan Saılaýbekov 14 áýirde Ó.Joldasbek atyndaǵy Stýdentter saraıyndaǵy maýsymashar «Mıllıon raýshan gúl» tragedııasynyń qoıylymy kezinde aıtty.
«Stsenarııin stýdentterdiń ózi jazǵan bul qoıylymnyń basty maqsaty -jastardyń shynaıy sezimdi ardaqtaýǵa, bir-birin qurmetteýge, mahabbatty baǵalaýǵa tárbıeleý. Sýretshi men aktrısa qyzdyń arasyndaǵy qarym-qatynasqa qurylǵan sıýjetter kimdi de bolsa tolǵandyrmaı qoımady. Aktrısanyń armandaǵy gúlin qanymen salyp, sonyń ǵana armany úshin ǵumyryn gúlge aınaldyrǵan sýretshi naǵyz sezimge toly adaldyqtyń úlgisin somdady. Kúldirip otyryp jylatqan trago-komedııalyq ári melodramalyq qoıylym jınalǵandardyń barshasyna sezim qudyrettiligin uǵyndyrǵandaı boldy", - deıdi Ǵalymjan Saılaýbekov. Onda basty rólderdi fılologııa, ádebıettaný jáne álem tilderi, tarıh, jýrnalıstıka jáne hımııa fakýltetteriniń stýdentteri somdady. Atap aıtqanda Maǵjan Bektasov - Gertsogty, Bekzat Smadııarov - sýretshini, Lázzat Ahmetqalıeva - aktrısany, Aqerke Ábilhan - Lýızany, Nurtas Turǵanbek - melordty, Perızat ıArlıkasynova mystandy oınap shyqty.
