Biz táýelsiz Qazaqstannyń irgesin birge qalap, jańa tarıhty jazýǵa birge kiristik - Elbasy

ALMATY. QazAqparat - Búgin Almatyda QR Tuńǵysh Prezıdenti Nursultan Nazarbaevtyń saıası kóshasshylyq fenomenin zertteýge arnalǵan «Kemeńgerliktiń 30 jyly» halyqaralyq ǵylymı konferentsııasy ótip jatyr. Іs-shara barysynda sóz sóılegen QR Tuńǵysh Prezıdenti Nursultan Nazarbaev el basqarǵan 30 jyldaǵy qıyndyqtar men synaqtardy da eske aldy, dep habarlaıdy QazAqparat tilshisi.

«Esten ketpes 1989 jyl ýaqyt ótken saıyn alystap barady. Zaman sondaı. Sol kezde Qazaq KSR kommýnıstik partııasynyń birinshi hatshysy etip dál osy zalda saılap edińizder. Kóp jyl kýá bolǵan el basqarý mindetin 30 jyl boıy atqardyq. Biz táýelsiz Qazaqstannyń irgesin birge qalap, jańa tarıhty jazýǵa birge kiristik. Myna jastardyń otyrǵanyna qýanamyn. 30 jyl boıy jas urpaqtyń bolashaǵy jarqyn bolýy úshin qyzmet etip kelemiz. Búgin men 3 másele týraly aıtqym keledi. Birinshiden, 30 jyl buryn aldymyzda qandaı qıyndyqtar turdy? Ekinshiden, olardy qalaı sheshtik? Úshinshiden, bolashaqta ne kútip tur? Osy máseleler áli kúnge mańyzdy», - dedi Nursultan Nazarbaev.

Eske sala keteıik, búgin Almatyda QR Tuńǵysh Prezıdenti Nursultan Nazarbaevtyń saıası kóshbasshylyq fenomenin zertteýge arnalǵan «Kemeńgerliktiń 30 jyly» halyqaralyq ǵylymı konferentsııasy ótip jatyr. Jıynda sóz sóılegen Qasym-Jomart Toqaev Qazaqstan memleketiniń negizin qalaýshy Nursultan Nazarbaevty egemen eldiń jylnamasyn jazǵan adam dep atady.