Biz, stýdent jastar, táýelsiz elimizdiń órkendeýi men qarqyndy damýy jolynda memleket aldyndaǵy jaýapkershiligimizdi tereń túsinemiz - Prezıdent poshtasynan
ASTANA. 14 qyrkúıek. QazAqparat - Memleket basshysy Nursultan Nazarbaevtyń atyna M.Áýezov atyndaǵy Ońtústik Qazaqstan memlekettik ýnıversıteti stýdentteri atynan hat keldi.
Bul týraly Prezıdenttiń baspasóz qyzmetinen málim etti.
«Biz Sizdiń Nazarbaev Ýnıversıtetindegi «Qazaqstan bilim qoǵamy jolynda» atty ınteraktıvti dárisińizdi zor yqylaspen tyńdaı otyryp, oıymyzda júrgen kóptegen suraqqa tolyqtaı jaýap aldyq. Bul dáris jastar úshin taǵy da úlken serpin berip, keleshekke degen zor senimimizdi uıalatty» dep jazady hat ıeleri.
Odan ári stýdentter Elbasynyń ınteraktıvti dárisiniń basty ereksheligi - ótkendi saralaı otyryp, Qazaqstan halqy, onyń ishinde jastar, aldaǵy ýaqytta atqaratyn mindetterdi belgilep bergenin atap ótedi. Sondaı-aq el damýynyń jańa kezeńi men táýelsizdiktiń úshinshi onjyldyǵyna bet burǵan tusta qoǵamdaǵy eń iri áleýmettik top - jastarǵa degen Prezıdenttiń senimi men qamqorlyǵy olardy odan ári qanattandyratynyna toqtalǵan.
Stýdentter joldaǵan hatta Elbasy tapsyrmasymen jastar saıasaty jańa serpin alǵany, bul oraıda jastar arasynan jańa kásip ıeleri - menedjerler men sportshylardyń jańa býyny qalyptasyp kele jatqany atap ótilgen. Olar bilimdi, tárbıeli jáne ónegeli jastar deni saý ult qalyptastyratyna senim bildiredi.
«Biz, stýdent jastar, táýelsiz elimizdiń órkendeýi men qarqyndy damýy jolynda memleket aldyndaǵy jaýapkershiligimizdi tereń túsinemiz. Bizdiń mindetimiz aıqyn. Endigi kezekte aıanbaı eńbek etip, ozat oqýymyz ben alǵan bilimimizdi elimizdiń odan ári ósip-órkendeýi jolyna jumsaıtynymyzǵa sendiremiz. Sizdeı eli súıgen Elbasyn biz árdaıym maqtan tutamyz» delingen hatta.
