Biz sizderdiń jastaryńyzben áńgimelesip, olardyń eldiń saıası ómirine degen qyzyǵýshylyǵyna kýá boldyq - baıqaýshy pikiri
ASTANA. 3 sáýir. QazAqparat /Marlan Jıembaı/ - Jastar tek qana baıqaýshy bolmaı memlekettiń saıası úrdisterine de qatysýy qajet.
Búgin elimizde ótip jatqan QR Prezıdentiniń kezekten tys saılaýy aıasynda búgin elordada BAQ ókilderine suhbat bergen Lıtva Seıminiń (Parlament) depýtaty Edmýndas Pýpınıs osyndaı pikir bildirdi.
«Biz sizderdiń jastaryńyzben áńgimelesip, olardyń eldiń saıası ómirine degen qyzyǵýshylyǵyna kýá boldyq. Aıtpaqshy, bir qyzyǵy, sizderde baıqaýshylardyń arasynda jastar az emes eken. Bul durys ári jaqsy. Óıtkeni jastar tek qana baıqaýshy bolmaýy kerek, sonymen qatar olar memlekettiń saıası úrdisterine de belsendi qatysýlary qajet», - dedi ol.
Sondaı-aq sheteldik baıqaýshynyń paıymynsha, demokratııalyq júıedegi jastardyń saıası bilimi tek qana teorııaǵa ǵana emes, sondaı-aq praktıkalyq tájirıbege de negizdelýi shart.
