«Biz Sizben qashan da birgemiz!»: Nazarbaev Ýnıversıtetiniń Prezıdenti Elbasyna hat joldady
Nazarbaev Ýnıversıtetiniń Prezıdenti Shıgeo Katsý Qazaqstannyń Tuńǵysh Prezıdenti – Elbasy Nursultan Nazarbaevqa Nazarbaev Ýnıversıteti jáne «Júsan» kompanııalar toby atynan hat joldaǵan. Óz sózinde Shıgeo Katsý Elbasyna únemi qoldaý kórsetkeni úshin Nazarbaev Ýnıversıtetiniń stýdentteri, oqytýshylary, búkil qaýymdastyǵy atynan alǵysyn bildirdi jáne «Júsan» kompanııalar tobymen birlesip, shyn kóńilden zor densaýlyq, qajymas kúsh-qýat, uzaq ǵumyr tiledi.
«Ótken jyldyń jeltoqsan aıynda Qytaıda bastalǵan, jergilikti densaýlyq saqtaý máselesi bolyp kóringen COVID-19 indeti birneshe apta men aıdyń ishinde apatty aýqymdaǵy jahandyq indetke aınalyp, qoǵamdaǵy jáne elder arasyndaǵy ózara is-qımyl sıpatyn dereý ózgertti. Óte juqpaly COVID-19 fızıkalyq áleýmettik qatynastardy toqtatýǵa jáne olar osaldana bastaǵan kezde adamdardyń oqshaýlanýyna ákeldi. Pandemııa áleýmettik jaratylys retindegi adamdardyń tabıǵatyn buzady jáne adamzattyń negizine zııanyn tıgizedi», – delingen hatta.
Shıgeo Katsý óz hatyn: «Biz Sizben qashan da birgemiz!» dep aıaqtaǵan.
Eske salaıyq, Elbasy Nursultan Nazarbaev koronavırýske shaldyǵyp, úıinde oqshaýlanǵan bolatyn.
Tuńǵysh Prezıdenttiń baspasóz hatshysy Aıdos Úkibaı N.Nazarbaevtyń densaýlyǵyna qatysty alańdaýǵa negiz joq ekenin málim etti.
