Biz sııaqty halqynyń sany az, ekonomıkasy damý ústindegi elde tehnologııamen órkendep, órleý aýadaı qajet - Memleket basshysy
Bul týraly Memleket basshysy Nursultan Nazarbaev búgin Parlament palatalarynyń birlesken otyrysynda jarııalaǵan Qazaqstan halqyna arnaǵan dástúrli Joldaýynda aıtty.
«Qymbatty meniń otandastarym! Halqymyzda «yntymaqty elde baq turady» degen dana sóz bar. Biz qazyǵy berik, memlekettigi bekem, tórt qubylasy saı qazaq eliniń aıbynyn asyryp, ataǵyn álemge áıgiledik. Biz tolaıym tabystarǵa qol jetkizdik. Bıik belesterdi baǵyndyrdyq. Alaıda, alar asýymyz áli de alda. Biz sııaqty halqynyń sany az, ekonomıkasy damý ústindegi elde tehnologııamen órkendep, órleý aýadaı qajet. Sonda ǵana tóńiregimizde turǵan álemniń alyp memleketteri bizben sanasady. Bul baǵdarlamanyń túpki maqsaty - elimizdiń táýelsizdigin baıandy etý, qazaqtyń ult bolyp ósip, órkendeýine jol ashý. Onyń tili men mádenıetiniń keń qulash jaıýyna múmkindik týǵyzý. Keler urpaqtyń júzin jarqyn etetin bul maqsatqa biz asqan tabandylyqpen, el birligin saqtaı otyryp qana qol jetkize alamyz», dedi Elbasy.
