Biz sammıtke daıyndyq barysynda jaqsy progreske qol jetkizdik - AQSh Memlekettik hatshysy kómekshisiniń orynbasary
ASTANA, 28 qarasha. QazAqparat /Marlan Jıembaı/ - Biz sammıtke daıyndyq barysynda jaqsy progreske qol jetkizdik. Bul týraly búgin elordadaǵy «Shabyt» shyǵarmashylyq úıinde ótken baspasóz máslıhatynda AQSh Memlekettik hatshysy kómekshisiniń orynbasary Tomas O Mılııa bildirdi.
«AQSh álemniń kez -kelgen túpkirindegi azamattyq qoǵamǵa árqashanda saıası, moraldy jáne qarjylaı qoldaý kórsetetin bolady. Óıtkeni biz ult retinde betpe-bet keletin problemalardy azamattyq sektor uıymdary meılinshe tereń qatysqanda ǵana sheshýge bolady dep esepteımiz», - dedi ol.
Bul oraıda ol EQYU qarsańyndaǵy Sholý konferentsııasynyń óte joǵary deńgeıde ótkendigin basa aıtty.
«Biz endi sammıtke daıyndalamyz. Biz sammıtke daıyndyq barysynda jaqsy progreske qol jetkizdik dep esepteımiz», - dedi T.Mılııa.
