Biz reformalarǵa tyń serpin berýimiz kerek – Memleket basshysy
«Biz qazirgi qıyndyqty mindetti túrde eńseremiz. Degenmen, elimizdiń jańa geosaıası ahýaldaǵy uzaqmerzimdi damýyn esten shyǵarmaýymyz kerek. Qazir álem sońǵy 100 jyl ishinde bolmaǵan daǵdarysty bastan keshirýde. Sarapshylardyń aıtýynsha, jahandyq ekonomıkany qaıta qalpyna keltirý úshin keminde 5 jylǵa deıin ýaqyt qajet. Deı turǵanmen bolashaqta kósh bastaıtyn memleketterdiń básekege qabileti dál osyndaı daǵdarystar men kúrdeli ózgerister kezinde shyńdalady. Qazaqstan jańa álemde óziniń laıyqty ornyn alýǵa tıis», - dedi Memleket basshysy.
QR Prezıdentiniń atap ótýinshe, Tuńǵysh Prezıdent – Elbasy Nursultan Nazarbaevtyń kóregen saıasatynyń arqasynda ekonomıkanyń damýy úshin berik negiz qalandy. Álemdik arenada abyroı-bedelge ıe boldy.
«Sondyqtan álemniń jańa bolmys-bitimi qalyptasyp jatqan shaqta biz reformalarǵa tyń serpin berýimiz kerek. Bul baǵytta ult josparyn jáne 5 ınstıtýtsıonaldyq reformany negizgi baǵdar etip alýymyz qajet. Biz azamattarymyzdyń laıyqty ómir súrýine jaǵdaı jasaýǵa, olardyń quqyqtaryn qorǵaýǵa, zań ústemdigin qamtamasyz etýge, jemqorlyqqa qarsy kúresti kúsheıtýge mindettimiz», - dedi Qasym-Jomart Toqaev.