Biz Prezıdent ıdeıalaryn júregimizben sezinemiz-Májilis depýtaty B. Smaılov
ASTANA. 29 jeltoqsan. QazAqparat. Búgin QR Parlamenti Májilisiniń Tóraǵasy Oral Muhamedjanovtyń jetekshiligimen osy Palatanyń jalpy otyrysy bolyp ótti. Onda Qazaqstan Respýblıkasy Prezıdentiniń ókilettigin uzartýǵa qatysty másele boıynsha Májilis depýtaty, «Nur Otan» HDP fraktsııasynyń múshesi Baýyrjan Smaılov sóz sóıledi.
B. Smaılov óz sózinde Tuńǵysh Prezıdentimiz Nursultan Ábishuly Nazarbaevtyń ókilettigin uzartý jónindegi bastamany qyzý qoldaıtynyn atap kórsetti.
- Bul - bizdiń, táýelsiz Qazaqstanda óziniń bilimi men qabiletin jan-jaqty ashýǵa mol múmkindik berilgen myńdaǵan jastardyń qalaýy, ekonomıkasy nyǵaıyp dáýlettengen, rýhanı kórkeıgen barsha halyqtyń tańdaýy!
Biz ult taǵdyryn tulǵalar aıqyndaıtynyn jaqsy bilemiz. Kereı men Jánibek - eldigimizdiń negizi. Táýke men Abylaı aıbynymyz ben erik-jigerimizdiń aıǵaǵy. Nursultan Nazarbaev - baıandy táýelsizdigimizdiń, búgingi tabystarymyz ben erteńgi zańǵar jeńisterimizdiń kepili. Qazaqstan jáne Nazarbaev - egiz uǵym. Qazaqstandyqtar óziniń búginin de, erteńin de Elbasymen birge tyǵyz baılanystyrady. Ult kóshbasshysy Halyq, Memleket, qoǵam aldyndaǵy paryzyn tabandylyqpen jáne adaldyqpen atqaryp keledi. Elbasy halqymyzdy 19 jylda ǵasyrlyq damý jolynan ótkizdi.
Ata-babalarymyz «Yrys aldy - yntymaq» degen. Búgingi tańda Qazaqstan - yntymaǵy jarasqan, ultaralyq tatýlyqty saqtaýdy jáne beıbitshilikti qorǵaýdy álemge tanyta bilgen táýelsiz memleket. Eldiń osyndaı ustanymy Elbasymyzdyń saıasatynyń nátıjesinde qalyptasyp otyr. Qazaqstannyń gúldenýi barsha turǵyndarymyzdyń boıyna kúsh-jiger quıyp, atqaryp jatqan jumystaryna serpilis berdi. Ultyna, tegine qaramaı, elimizdiń árbir azamaty búgingi tańda «Bul - meniń Qazaqstanym!» dep zor maqtanyshpen aıta alatyn kúnge jettik!
Sonymen qatar baýyrlas elderdiń saıasatkerleri, qoǵam jáne óner qaıratkerleri Nursultan Nazarbaevty túrki halyqtarynyń kemeńgeri, aqylshysy dep atap júr. Osyndaı pikirdi osy Parlament úıinde sóz sóılegen Túrkııa Prezıdenti Abdolla Gúl myrza da keltirgeni esimizde! Bir sózben aıtqanda, Nursultan Nazarbaevtyń erlikke toly ólsheýsiz eńbegin búginde tek qana qazaqstandyqtar emes, búkil álem baǵalap, moıyndap otyr.
Bizder, shyǵarmashylyq jáne iskerliktiń qazirgi tolqyny, Prezıdent ıdeıalaryn júregimizben sezinemiz. Elbasynyń murat-maqsaty respýblıkanyń bilimdi de parasatty, isker de jigerli jastaryn qalyptastyrý ekendigi, sol úshin barlyq múmkindikterdi týǵyzyp otyrǵandyǵy bizderdi qanattandyrady. Nursultan Ábishulynyń osyndaı qamqorlyǵyna jastarǵa tán jasampazdyqpen jaýap berý - qasıetti boryshymyz".
B. Smaıl endi eki kúnnen keıin jańa ǵasyrdyń ekinshi on jyldyǵy bastalatynyn, bul - Qazaqstan úshin óte bir jaýapty kezeń, Prezıdent aıqyndap bergen ınnovatsııalyq damý, órleý kezeńi ekenin aıta kele: "Jańa on jyldyqtyń mindetin joǵary deńgeıde oryndaý Elbasynyń basshylyǵyna tikeleı baılanysty.Endeshe, barsha azamatty Otanymyz búginnen de sáýletti, elimiz qazirgiden de dáýletti bolýy úshin, halqymyzdyń baqytty bolashaǵy úshin osy tańdaýdy qýattaýǵa, aýyz birlik tanytýǵa shaqyramyn!", - dedi.
