Biz pleı-offqa laıyqty oıyn kórsete almadyq - Germanııa quramasynyń bas bapkeri
ASTANA. QazAqparat - Germanııa quramasynyń bas bapkeri Ioahım Lev óziniń komandasynyń chempıonattan shyǵyp qalýyna baılanysty pikir bildirdi, dep habarlaıdy «SPORTINFORM» SAA.
«Dál qazir bizdiń týrnırden nelikten tys qalǵanymyzdy túsindirý qıynnyń qıyny. Bul jaǵdaı ońaı tıip jatqan joq. Biz álem chempıonatynda oıyn oınaýǵa laıyqty emes bolyp shyqtyq. Biz tipti 1/8 fınalǵa da shyǵa almadyq. Bizdiń týrnırden shyǵyp qalǵan sebebimiz - jeńiske degen ynta-jigerimizdiń joqtyǵynan emes, komandada ásirese ekinshi taımda alǵa shyǵýdyń naqty múmkindigi bolmady. Komanda ádette kórsetip júrgen jeńil oıynyn osy joly kórsete almady. Gol soǵatyn múmkindikterdi týdyratyn qarqyn bolmady. Sondyqtan biz osy jaǵdaıǵa laıyqtymyz»,-dedi Lev.
Osy jolǵy jeńilis komandanyń júıeli daǵdarysqa ushyraǵandyǵyn bildiredi ma, degen saýalmen ol kelispeıtinin aıtty.
«Menińshe bul qate pikir. Osyǵan deıin biz 10-12 jyl boıy jarystarda óner kórsetý turǵysynan alǵanda eń turaqty komanda bolyp keldik. Biz alǵashqy tórtikke taban tirep kelgen bolatynbyz. Qazir bizde ondaı qarqyn joq. Árıne, bul qabyrǵany qaıystyrar ókinish. Alaıda bizde erekshe talantty jastar bar. Keıbiriniń áleýeti búgingiden de úlken biıkterdi baǵyndyrýǵa jetedi. Mundaı jaǵdaıdy bizden ózge memleketter de bastan ótkergen. Bizge endi tek búgingiden durys qorytyndy shyǵaryp, álsiz tustarymyzdy jetildirý qajet»,-dedi Ioahım Lev.
Aıta keteıik, 2018 jylǵy Álem chempıonatynyń úshinshi kezeńindegi matchta Ońtústik Koreıa ókilderine jol bergen Germanııa tarıhta tuńǵysh ret álem chempıonatynyń tobynan shyǵa almaı qaldy.
