Biz ózimizdiń óndirisimizdi damytýymyz kerek - Úkimet basshysy
ASTANA. Qazannyń 18-i. QazAqparat /Aıdar Ospanalıev/ -«Elimizdegi saýda salasyn damytýǵa baǵyttalǵan salaaralyq baǵdarlamanyń basty ıdeıasy - ózimizdiń ónimimizdi shyǵarý», dedi búgin Úkimet basshysy selektorlyq rejimde ótken májiliste.
«1990 jyldary memlekettiń aldynda azyq-túlik naryǵyn qajetti taýarlarmen toltyrý mindeti turdy. Sebebi bizdiń ózimizde óndiris oshaqtary quldyrady, nátıjesinde naryqta taýarǵa zárýlik týyndady. Osy ýaqytta kóptegen azamattar ózderiniń jumystaryn tastap, ala qorjyndy arqalap, syrttan elge taýar tasymaldaı bastady. Sóıtip bizdiń naryǵymyz stıhııaly túrde damydy. Bizdiń búgingi mindetimiz osyndaı qalyptan arylý. ıAǵnı biz ózimizdiń óndirisimizdi damytýymyz kerek. Bizde zamanǵa saı saýda-sattyq jasaıtyn oryndar bolýy qajet», - dedi Úkimet basshysy.
Úkimet basshysynyń aıtýynsha, búgingi tańda bıznes salasy ókilderiniń talap etip otyrǵan máseleleri durys. Alaıda onyń tájirıbe júzindegi iske asyrylýy áli kóp kúsh-jiger jumsaýdy qajet etedi. «Óıtkeni salaaralyq baǵdarlama bizge bolashaqta atqarýymyz tıis isterdiń tek jobasyn ǵana usynyp otyr. Al ol is júzinde qanshalyqty júzege asady. Onyń barlyǵy elimizdiń ishki ekonomıkasyna áser etetin, ári ózge de salalarmen baılanysty kúrdeli másele», - dedi Úkimet basshysy.
