Biz óz ıdeologııamyzdy batyl ári ashyq qorǵaýǵa tıispiz - Májilis depýtaty K.Burhanov

ASTANA. QazAqparat - Biz óz ıdeologııamyzdy batyl ári ashyq qorǵaýǵa tıispiz. Bul týraly búgin elordada ótken «Máńgilik el - qazaqstandyq qundylyqtar júıesi» taqyrybyndaǵy áleýmettanýshylar men saıasattanýshylardyń Astana sarapshylyq forýmynda QR Parlamenti Májilisiniń depýtaty Kamal Burhanov aıtty.

«Biz ózimizdiń ıdeologııamyzdy, ózimizdiń ishki ári syrtqy saıasatymyzdy, eń bastysy óz dástúrimiz ben dinimizdi, tilimizdi, ádebıetimiz ben mádenıetimizdi, fılosofııamyzdy qorǵaýǵa tıispiz. Biz olardy batyl, ashyq ári myǵym qorǵaýymyz qajet», - dedi ol.

Depýtattyń paıymynsha, batystyq sarapshylardyń qoǵamdy damytýdyń ámbebap modelin, soǵan saı barlyq halyqtar men elder úshin qundylyqtar júıesin ázirledik dep ózeýreýi ańyzǵa teń desek te bolady.

Aıta keteıik, forým jumysyna 110-nan astam delegat qatysty. Olar «Máńgilik El» jalpyulttyq jobasynyń negizgi qundylyqtaryn, etnosaralyq kelisimniń qazaqstandyq modelin, sonymen qatar jańa qazaqstandyq patrıotızm turǵysynda halyqty toptastyratyn ıdeıanyń mánin jaq-jaqty talqyǵa saldy.