Biz óz bolashaǵymyzdy Qazaqstan Prezıdenti N.Nazarbaevpen, onyń alǵa qoıǵan saıasatymen baılanystyramyz - «Alef» evreı etno-mádenı birlestigi jetekshisiniń orynbasary N. Gorbýnov
Búgin elordada ótken dóńgelek ústel barysynda Astana qalasynyń «Alef» atty evreı etno-mádenı birlestigi jetekshisiniń orynbasary Nıkolaı Gorbýnov osylaı atap kórsetti.
N. Gorbýnov Elbasy N.Nazarbaevtyń ókilettigin 2020 jylǵa deıin uzartý bastamasyn Qazaqstandaǵy etno-mádenı birlestikterdiń barlyǵy qoldaý kórsetetinine senim bildirdi.
«Elimizde sońǵy 20 jyl ýaqyt ishinde bolǵan jańǵyrýlar kóńilge senim uıalatady. Halyqty bastaı alatyn bir Kóshbasshynyń baryna, bir komandanyń baryna maqtanamyn. Ol meniń Prezıdentim, bul meniń Qazaqstanym! Men osy eldiń azamatymyn, munda meniń otbasym turady. Sondyqtan biz Otanymyzdyń bolashaǵyna qamqor bolǵymyz keledi. Biz sol bolashaǵymyzdy Qazaqstan Prezıdenti Nursultan Nazarbaevpen, onyń alǵa qoıǵan saıasatymen baılanystyramyz»,-dedi A. Gorbýnov agenttik tilshisine bergen suhbatynda.
Onyń atap ótkenindeı, eldegi dostyq, tózimdilik - memlekettiń memleket bolyp uıysýyna, ekonomıkalyq turaqty órkendeýine arqaý bolyp otyr. «Tynyshtyq ornamaǵan jaǵdaıda, qazir Úkimet qolǵa alyp jatqan ındýstrııalandyrý jobalary, bıznestiń qaryshtaýy, ınnovatsııalyq tehnologııalardyń ıgerilýi bizde bolmas edi»,-deıdi ol.
«N.Nazarbaevtyń júrgizip otyrǵan saıasaty budan birneshe ondaǵan jyldar buryn bolǵan saıasatqa qaraǵanda áldeqaıda oılastyrylǵan jáne aqyl tarazysyna salynyp jasalýda. Tarıhtan belgili keıbir etnostar sol kezderdegi rejimnen qysym kórip, kúshtep jer aýdaryldy. Tipti Keńes Odaǵy tusynda evrıt tiline tyıym salyndy. Qazir biz óz ana tilimizdi keń óriske sala alatyndaı múmkindikke ıe boldyq. Osyndaǵy barlyq halyqtarmen birge tatý-tátti ómir súrip, memlekettik isterdi yntymaqtastyqta atqaryp jatyrmyz»,-dep atap kórsetti N. Gorbýnov.
