Biz óskeleń urpaqty naǵyz patrıtot etip tárbıeleýimiz kerek - Ońdasyn Orazalın
Sessııaǵa depýtattar, kásipkerler, Qazaqstan halqy Assambleıasynyń oblystyq fılıal músheleri, etnomádenı birlestikterdiń tóraǵalary, memlekettik organdardyń ókilderi, Qoǵamdyq kelisim, Analar, Aqsaqaldar keńesteriniń músheleri qatysty.
«Assambleıa tóraǵasy Qasym-Jomart Kemeluly óz sózinde geosaıası jaǵdaıdyń qazir shıelenisip turǵanyna basa nazar aýdardy. Jańa mindetter týyndaýda. Bul rette eldiń azamattyq biregeıligin nyǵaıtyp, patrıottyq rýhty tárbıeleýge basa nazar aýdarýymyz kerek.
Bizdiń «biz ártúrlimiz, biraq birgemiz» degen basty qaǵıdamyz eshqashan ózgermeıdi. Biz óskeleń urpaqty naǵyz patrıot etip tárbıeleýimiz kerek. Azamattardy qalaı da bolsa kemsitýge, olardyń ar-namysy men qadir-qasıetin qorlaýǵa jol berilmeıdi. Árqaısymyzdyń pikirimiz ártúrli, biraq bizde qoǵam men memleket bir. Óz jumysymyzda biz aldymen, osy qaǵıdalardy basshylyqqa alýymyz kerek»,- dep atap ótti oblys ákimi Ońdasyn Orazalın.
Sondaı-aq, sessııanyń kún tártibine Qazaqstan halqy Assambleıasy men etnomádenı birlestikterdi ári qaraı damytý, etnosaralyq qatynastarǵa medıatsııany qoldaný, jastardyń bastamalaryn damytý, jastardy jasampazdyq jáne áleýmettik qyzmetke aralastyrý talqylandy. Oblystyq ishki saıasat basqarmasynyń basshysy Lázzat Orazbaeva, Qoǵamdyq kelisim keńesiniń tóraǵasy Sergeı Vıshnıak, Medıatsııa jónindegi tóraǵasy Svetlana Balpeıisova atqarylǵan jumysty qorytyndylady.
Budan bólek, otyrys barysynda Qazaqstan halqy Assambleıasy oblystyq keńesi men oblystyq Qazaqstan halqy Assambleıasynyń quramdaryna ózgertýler men tolyqtyrýlar engizildi.
