Biz nege uzaq ómir súrmeımiz? – VVS
NUR-SULTAN. QazAqparat – «Sońǵy eki ǵasyrda adamdardyń ómir súrý uzaqtyǵy jyldam artty. Al 1840 jyldary adamdar ortasha eseppen 40 jasqa deıin ǵana ómir súrgen. 1900 jyldardyń basynda tamaqtaný, gıgıena, turǵyn úı, sanıtarııa jaǵdaılary jaqsarǵannan keıin bul kórsetkish 60 jasqa jetti», dep jazady VVS.
Avtordyń aıtýynsha, ómir súrý jasynyń uzarýyna medıtsınalyq kómek pen balalardy ımmýnızatsııalaýdyń áseri kóp bolǵan. Al 1970 jyldan keıin ınsýlt pen júrek aýrýyn emdeýdegi jetistikter jaqsy kórsetkishterge áser etti.
«XXI ǵasyrdyń basynda ómir súrý uzaqtyǵy áıelderde 80, erlerde 75 jasqa jetti. Odn keıin ár tórt jyl saıyn ortasha jas bir jylǵa uzaryp otyrdy. Biraq 2011 jyldan bastap ómir súrý uzaqtyǵynda ózgeris bolmady», dep jazady avtor..
Onyń aıtýynsha, munyń sebebin ǵalymdar naqty taba aıta almaıdy.
«Eń uzaq ómir súrgen resmı jazbalardaǵy adam 122 jasta ómirden ótken frantsýz áıel Janna Kalment boldy. Nature jýrnalnda jarııalanǵan materıalǵa sensek, budan keıingi orynda 115 jas tur. Amerıkalyq genetık Devıd Sınkler óz eńbekterinde adamdar budan da uzaq ómir súre alatynyn aıtqan», dep jazady avtor.
