Biz memlekettik kásiporyndardyń jekeshelendirilýin qoldaımyz - Devıd Oýen
ATY. Qazannyń 28-i. QazAqparat /Erlik Erjanuly/ - Memlekettik kásiporyndardy jekeshelendirý - ınvestıtsııa tartýdyń bir kózi.
Bul jaıly búgin Almatyda Halyqaralyq valıýta qorynyń Kavkaz ben Ortalyq Azııa elderiniń ekonomıkalyq damýy týraly boljamyna arnalǵan baspasóz máslıhatynda aıtyldy.
"Biz naryqqa shyǵýǵa daıyn bolǵan kezde memlekettik kásiporyndardyń jekeshelendirilýin qoldaımyz. Memlekettik kásiporyndardy jekeshelendirý ishki naryqta usynylatyn bolsa, úı sharýashylyǵyndaǵy kóptegen adamdar men kásiporyndar úshin ınvestıtsııalaýdyń jaqsy kózi bola alady. Ol syrtqy ınvestorlar úshin de óte tartymdy. Bul Qazaqstandaǵy damýdyń óte durys jáne mańyzdy faktory bola alady", - deıdi Halyqaralyq valıýta qorynyń Taıaý Shyǵys pen Ortalyq Azııa elderi boıynsha departamenti dırektory orynbasary Devıd Oýen.
