Biz memlekettigimizdiń irgesin ornyqtyryp, elimizdiń shekarasyn shegendedik - Elbasy
ASTANA. 25mamyr. QazAqparat /Marlan Jıembaı/ - Biz memlekettigimizdiń irgesin ornyqtyryp, elimizdiń shekarasyn shegendedik. Búgin Astanada ótip jatqan Dúnıejúzi qazaqtarynyń IV Quryltaıynda QR Prezıdenti - Dúnıejúzi qazaqtary qaýymdastyǵy Tóralqasynyń tóraǵasy Nursultan Nazarbaev osylaı málim etti.
«Biz memlekettigimizdiń irgesin ornyqtyryp, elimizdiń shekarasyn shegendedik. Az jyldyń arasynda Arqa tósinde mynandaı ózderińiz kórip otyrǵan ǵasyrdyń ǵajaıyby atanǵan araıly elordamyz - Astanany turǵyzdyq»,-dedi N. Nazarbaev.
Sózin "kezinde jelmaıaǵa minip, jer shalǵan Asan qaıǵy babamyzdyń «Esildiń boıyn kórgende 6 kúnde at semirtip minetin jer eken» degen sózimen tuzdyqtaǵan Elbasy: «Sol aıtqandaı, Sizder 6 jylda shyn máninde jeruıyqqa aınalǵan Astanany kórip otyrsyzdar. Qazaq jeri tatýlyqtyń týyn tigip, ultaralyq, dinaralyq kelisimniń álem úlgi tutatyn aıshyqty mysalyna búgin aınalyp otyr»,-dedi.
QR Prezıdentiniń paıymdaýynsha, qazaq halqy ulysty uıystyrýshy el retinde elimizdegi etnostardy baýyryna basyp, danalyǵy men darhandyǵyn kórsete bildi.
