Biz memleket qarajatyna nysandar salyp, ony keıinnen bızneske bere salýdy toqtatýǵa tıispiz - N. Sabılıanov
ASTANA. QazAqparat - Arnaıy ekonomıkalyq aımaqtardyń ınfraqurylymy qandaı da bir kompanııanyń jarǵylyq kapıtalyna ótpeýi kerek, ol memlekettiń qaraýynda qalýy tıis. Búgin Májilistiń jalpy otyrysynda depýtat Nurtaı Sabılıanov osy máseleni kóterdi.
Eske salaıyq, Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine arnaıy ekonomıkalyq aımaqtardy jetildirý máseleleri boıynsha ózgerister men tolyqtyrý engizý týraly» zań jobasy birinshi oqylymda maquldanǵan bolatyn.
Aıta keterligi, zań jobasyna baılanysty arnaıy ekonomıkalyq aımaqtardaǵy memleket qarajatyna salynǵan ınfraqurylymdy basqarýshy kompanııanyń jarǵylyq qoryna berý kózdelgen. ıAǵnı, basqarýshy kompanııa retinde «KAZNEX INVEST» kompanııasyna berilmek. «Qazaqstandaǵy 9 arnaıy ekonomıkalyq aımaqtarda ınfraqurylymdar men nysandar salý úshin memlekettik bıýdjetten 238 mlrd teńge qarajat bólingen eken. Endi osynshama qarajatqa salynǵan ınfraqurylymdy asa belgili emes bir kompanııaǵa bergeli otyrmyz. Buǵan kelispeımin. Óıtkeni, memlekettiń qarajatyna salynǵan nysandy qandaı da bir kompanııanyń jarǵylyq qoryna berý degen, - onyń erteńgi kúni tómen baǵaǵa satylyp ketýi múmkin degen sóz», - dep túsindiredi depýtat Nurtaı Sabılıanov.
Onyń aıtýyna qaraǵanda, kompanııa arqyly nysandardy belgili bir adamdar jekeshelendirip te alýy múmkin. «Bul - óte ońaı jol. Memleket 100 paıyz aktsıoner bolady dep otyr eken, alaıda biz memleket elý paıyzdan artyq aktsııany ustaı almaıtyndyǵy týraly zań shyǵaryp ta otyrmyz. Osylaısha, memlekettiń 100 paıyzyn qysqartyp, erteńgi kúni AEA ınfraqurylymdary bireýdiń qolyna ótýi múmkin. Buǵan jol berýge bolmaıdy», - dedi depýtat.
Onyń paıymynsha, memleket qarajatyna salynǵan nysandar arnaıy ekonomıkalyq aımaqtarǵa, kompanııalardyń jarǵylyq qorlaryna berilmeýi kerek. «Senimdi basqarýǵa nemese jalǵa berýge bolady. Bul zańda bar. Sosyn buny qaryz retinde de berýge bolady. 238 mlrd teńge qaryzy bar kompanııa qashanda oılanady. Al jarǵylyq kapıtalyna bersek, ony keıin kompanııalar arqyly jekelegen adamdar múddesine ketýi yqtımal. Memleket múddesi qashanda birinshi kezekte turýy tıis. Biz memleket qarajatyna nysandar salyp, ony keıinnen bızneske bere salýdy toqtatýǵa tıispiz», - dedi ol.
