«Biz máńgilik el bolamyz» atty respýblıkalyq patrıottyq ánder baıqaýy ótti - FOTO
ASTANA. QazAqparat - Qazaqstan Respýblıkasynyń Іshki ister mınıstrligi «Máńgilik el» ulttyq ıdeıasyn qoldaý maqsatynda «Biz máńgilik el bolamyz!» atty respýblıkalyq patrıottyq ánder baıqaýyn uıymdastyrdy, dep habarlaıdy vedomstvo baspasóz qyzmeti.
Baıqaý ishki ister organdary qyzmetkerleriniń mádenı jáne rýhanı dárejesin kóterýge, patrıottyq tárbıege, kóp ultty Qazaqstannyń ulttyq mádenıeti men ónerin nasıhattaýǵa baǵyttaldy.
2011 jyldan bastap patrıottyq ánderdiń baıqaýyn uıymdastyrý búginde dástúrge aınalyp otyr. Aǵymdaǵy jyly patrıottyq ánderdiń birinshi kezeńi Oral, Pavlodar jáne Almaty qalalarynda ótip, oǵan ishki ister, qylmystyq-atqarý júıesi organdarynyń, óńirlerdegi mamandandyrylǵan kúzet qyzmeti basqarmalarynyń qyzmetkerleri men óner ujymdary qatysty.
Baıqaýdyń qorytyndy kezeńi 10 jeltoqsanda Astana qalasynda ótti, onda 37 ishki ister organdarynyń ónerpazdary men óner ujymdary, óńirlik baıqaý kezeńinen ótken júldegerler men dıplomanttar ónerlerin kórsetti.
Qorytyndy kezeńniń nátıjesi boıynsha 12 úzdik ónerpaz ben óner ujymy iriktelip, keshe «Jastar» mádenıet saraıynda Qazaqstan Respýblıkasynyń Táýelsizdigi kúnine oraı uıymdastyrylǵan Gala-kontsertte án shyrqady.
Іs-sharanyń saltanatty bóliginde 1, 2, 3-dárejedegi dıplomdar men bas júlde, basqa da yntalandyrý syılyqtary tabys etildi.
Bas júldeni Qyzylorda QІІB ınspektory Shynar Myrzalıeva jeńip aldy. Birinshi oryn Kóliktegi ІІD bólim bastyǵy Shoqan Júzenovke berildi. Ekinshi oryndy Jambyl oblysy ІІD ınspektory Nurym Qoıgeldıev al úshinshi oryndy Qaraǵandy QІІB polıtsııa bóliminiń tehnıgi Merýert Toıbekova ıelendi.
Almaty qalasynyń mamandandyrylǵan kúzet qyzmetiniń «Kúzet qyrandary» ansambli, Aqtaý qalasy ІІD JBO aǵa ınspektory-kezekshi Tórenııaz Azızaev, Qaraǵandy QІІB bólim bastyǵy Janataı Sembekov, Kóliktegi ІІD polıtseıi Dáýren Qabıdýllı, Almaty jáne Jambyl oblystarynyń mamandandyrylǵan kúzet qyzmetiniń ınspektorlary Ermek Smaǵulov pen Rasýl Dúısenbaev, Shyǵys Qazaqstan jáne Qaraǵandy oblystary ІІD vokaldyq toptary baıqaý dıplomanttary atandy.
«El Prezıdenti Nursultan Nazarbaevtyń «Máńgilik el» ıdeıasy qazaqstandyqtar úshin biregeı tarıhı qujat bolyp tabylady. Patrıotızm - ol Otanǵa degen súıispenshilik, oǵan adal bolý, qorǵaý, onyń múddesi úshin qyzmet etý. Іshki ister organdary qyzmetkerleriniń patrıottyq senimderi «Máńgilik el» ıdeıasyna qoldaý bolyp tabylady» - dep gala-kontsert barysynda ІІM Kadr jumysy departamentiniń bastyǵy Altynǵalı Ábdiǵalıev atap ótti.
Gala-kontserttiń taqyryptyq baǵyty kóp ultty Qazaqstannyń dostyǵy men birligin kórsetti. Qazylar alqasy osyndaı sharalardyń ishki ister organdary qyzmetkerlerin patrıottyqqa tárbıleýge óz úlesin qosatynyn atap ketti.
