Biz Qurban aıtty ózge din ókilderimen beıbitshilik jáne kelisimde qarsy alamyz - Almaty ákimi A. Esimov
ALMATY. 26 qazan. QazAqparat - Qurban aıt beıbitshilik pen kelisimdi beıneleıdi.
Bul ulyq mereke ıgi isterdi atqarý men zárý jandarǵa kómek qolyn sozýǵa baǵyttalady. Bul týraly Almaty qalasynyń ákimi Ahmetjan Esimov qala qonaqtary men turǵyndardy merekemen quttyqtaý barysynda aıtty.
«Biz dástúr boıynsha Qurban aıtty ózge de ult jáne din ókilderimen beıbitshilik pen kelisimde qarsy alamyz. Bul kún kómekke zárý jandarǵa kómektesip, jaqyndarymyz ben týystarymyzǵa meıirimdilik tanytyp, renishterdi keshirýge jeteleıdi. Bul Qurban aıt janymyzdy tazartyp, ár otbasyǵa, ár úıge tynyshtyq pen shattyq syılasyn», - dedi ákim.
