Biz kóbine-kóp teńgege senim artamyz - «Astana» ZJQ» AQ-nyń basqarma tóraǵasy

ALMATY. 28 aqpan. QazAqparat - Teńgeniń qunsyzdanýy júrip jatqan joq.  «Astana» zeınetaqy jınaqtaý qory» AQ-nyń basqarma tóraǵasy Andreı Karıagın búgin Almatyda 2011 jyldyń qorytyndysyna arnalǵan baspasóz máslıhatynda osylaı  aıtty.

«Kez kelgen qor sońǵy nátıje úshin jumys isteıdi. Aktsııalar naryǵynda  korporatıvtik oblıgatsııalarmen ǵana jumys jasamaımyz.  Bizde halyqaralyq aktsııalar paketi de bar. Negizinen halyqaralyq qarjy naryǵynda jumys jasaımyz. Óıtkeni Qazaqstannyń qor naryǵy ázirge ınvestıtsııalardy belsendi basqaratyn deńgeıde emes», - deıdi A. Karıagın. Onyń aıtýynsha, «Astana» zeınetaqy jınaqtaý qory  valıýtalyq saıasatta teńgege senim artady. Oǵan eldegi  valıýtalyq saıasattyń barynsha teńdestirgeninen jáne ishki naryqta úlken kólemde alypsatarlyq  pıǵyldyń joqtyǵy yqpal etken. Óıtkeni  Qazaqstanda ınvestorlardyń alypsatarlyq áreketpen  paıda tabý múmkindigi barynsha tómendetilgen.