Biz qazir Qazaqstan ekonomıkasyn ınnovatsııalyq-tehnologııalyq platformaǵa aýystyrý jónindegi mindetti jedel sheshýdemiz - N.Nazarbaev

«Búginde jahandyq progrestiń paradıgmasy, formaty tez ózgerýde - ǵalam óz damýynyń postındýstrııalyq kezeńine aýysýda. Belgili fýtýrolog Brıýs Sterlıngtiń aıtýynsha, ol kezeńde bolashaq «progress» sóziniń sınonımi bolýdan qalady, sebebi ol búginnen bastalady. Osy jańa kezeńde eldiń ál-aýqatynyń negizin tek tabıǵı resýrs pen baılyq nemese damyǵan ónekásiptik baza quramaıdy. Sarapshylardyń esepteýinshe, eń baqýatty degen elderdiń jalpy ulttyq baılyqtarynyń shamamen 15 paıyzyn ǵana - materıaldyq qundylyqtar qurasa, 15-20 paıyzyn - tabıǵı resýrstar quraıdy eken. Al 65 paıyz - adamı kapıtal»,- dep atap kórsetti Nursultan Ábishuly óz sózinde.

«Bilimdi, bilikti adamdar damýdyń negizgi strategııalyq resýrstaryn quraıdy. Dál osy baǵyt Japonııa, Fınlıandııa, Ońtústik Koreıa, Sıngapýr, Brazılııa jáne t.b. birqatar memleketterdiń jetekshi ekonomıkalyq damýynda úlken mańyzǵa ıe bolǵan. Bilim progrestiń alǵa tartýshy kúshi, jańa ıgilikterdiń kózi.

Ekonomıkada búginde múldem basqasha salalar paıda bolýda. Jáne ol úrdisterden tys qalý, olardy eskermeý Qazaqstannyń strategııalyq qateligi bolady. Sondyqtanda biz qazir el ekonomıkasyn ınnovatsııalyq-tehnologııalyq platformaǵa aýystyrý jónindegi mindetti jedel sheshýdemiz. Jáne bul strategııa Qazaqstanǵa sońǵy onjyldyqtaǵy eń qıyn álemdik daǵdarysty eńserýge kómektesýde, ekonomıkamyzdyń qaıtadan órkendeýin qamtamasyz etýde, ony ózderińiz de kórip otyrsyzdar. Biz ekonomıkalyq-qarjylyq jaǵdaılardyń syrtqy ózgerýlerine jedel ún qatýǵa, óz múmkindikterimizge synı turǵydan baǵalaýǵa, zamananyń kúrdeli yǵyttaryna beıimdelýge múmkindik beretin memlekettik basqarý júıesin quryp otyrmyz», - dedi Elbasy N.Nazarbaev óz sózinde.