Biz qazir epıdahýaldyń sharyqtaý sheginde turmyz – Jandarbek Bekshın

ALMATY. QazAqparat – Almatynyń bas sanıtar dárigeri Jandarbek Bekshın qala turǵyndaryn karantın rejımin buzbaýǵa shaqyrdy, dep habarlaıdy QazAqparat tilshisi.

«Biz qazir buǵan deıin aıtylǵan epıdahýaldyń sharyqtaý sheginde turmyz. Osyǵan deıin 3-4 tamyzda táýligine aýrýdyń 1 600 jaǵdaıy kútiledi degenbiz. Osy aptada 1 558, 1 570 jaǵdaı anyqtaldy, boljam is júzinde sáıkes keldi. Biz odan ári ósimdi boldyrmaýǵa tyrysamyz, degenmen bizdiń boljamymyz shilde aıynyń sońynda mynadaı boldy: tamyzdyń ortasynda 1 900 jaǵdaıǵa deıin kútiledi degenbiz. Eger eshteńe jasamasaq, ósim odan da kóp bolýy múmkin», - dedi ol.

Bas sanıtar qala turǵyndaryn shekteý sharalaryn saqtaýǵa, tártipti ustanýǵa jáne tósek oryndardyń tolýyna jol bermeýge shaqyrdy.

Onyń aıtýynsha, sońǵy aptada Almatyda kúnine aýrý juqtyrý deńgeıi 1,6 myńǵa jýyq jaǵdaıǵa turaqtanyp, KVI boıynsha epıdemıologııalyq jaǵdaı nasharlaǵan. 28 shildeden bastap KVI-diń táýliktik tirkelýi 1,5 myńnan asyp, shilde aıynda 25 544 jáne bıylǵy jyldyń basynan bastap 89 035 jaǵdaıdy qurady.

«Almatyda COVID-19-dyń brıtandyq nusqasynan týyndaǵan epıdemııanyń úshinshi tolqyny 8-20 maýsym aralyǵynda (plato 11 kún) turaqtalǵannan keıin jáne 20 shildeden keıin «delta» shtamynyń taralýynan keıin 25 kúni epıdemııanyń tórtinshi tolqyny bastaldy, onyń sharyqtaý shegi is júzinde bıylǵy jyldyń 30 shildesinen bastalady, táýligine shamamen 1,5 - 1,6 myń jaǵdaı tirkelip otyrdy. Tamyz aıynyń sońyna qaraı aýrý tómendep, KVI jaǵdaılaryn aptalyq tirkeý 12 myń jaǵdaıǵa deıin ósedi dep boljanýda», - dedi Bekshın.