Biz Qazaqstannyń sarabdal jolǵa túsken memleket qatarynda ekendigin kórip otyrmyz - Latvııa jýrnalısi

ASTANA. Tamyzdyń 30-y. QazAqparat /Jasulan Amanbaıuly/ - Astanada Konstıtýtsııanyń 15 jyldyǵyna arnalǵan áskerı sherýdi shetel buqaralyq aqparat quraldarynyń ókilderi kelip tamashalady. Solardyń biri Latvııadan kelgen jýrnalıst, Delfi aqparattyq portalynyń redaktory Anatolıı Golýbev áskerı sherýden alǵan áserimen, pikirimen bólisti.

«Bizdiń elde osynshama, kólemdi Qarýly kúshterimiz ben áskerı, áýe tehnıkalary joq. Sondyqtan shaǵyn sherýler ǵana uıymdastyrylyp turady. Bul meniń deńgeıi joǵary áskerı sherýge birinshi ret qatysýym. Óte tamasha áser qaldyryp, ózim úshin qyzyqty oqıǵa dep bilemin. Elime kelgen soń, búgingi ataýly kún týraly mindetti túrde maqala arnaımyn», dedi Anatolıı Golýbev.

«Elderińiz damý jolynan túspesin. Qazir álemdegi jaǵdaıdy kórip otyrmyz. Keıbireýleri tipti toqyraýǵa kelip jatqan jaılary bar. Eger memleket óziniń ekonomıkalyq áleýetin, tabıǵı qorlaryn ysyrap qylmaı, bolashaqqa degen baǵdarmen oılastyryp, baıyptap qyzmet istese ǵana utady. Qazir biz Qazaqstannyń osy sarabdal jolǵa túsken memleket qatarynda ekendigin kórip otyrmyz», dep atap kórsetti ol.