Biz qazaqstandyq sportshylardyń jetistikterine senemiz jáne olardan Azıadada joǵary nátıjeler kútemiz - Qazaqstan Halyq bankiniń Jambyl fılıalynyń dırektory mindetin atqarýshy N.Úsipov
JAMBYL OBLYSY. 13 qańtar. QazAqparat /Galına Skrıpnık/ - Biz qazaqstandyq sportshylardyń jetistikterine senemiz jáne olardan Azıadada joǵary nátıjeler kútemiz. Bul týraly Qazaqstan Halyq bankiniń Jambyl fılıalynyń dırektory mindetin atqarýshy Nurlan Úsipov málim etti.
Bankırdiń pikirinshe, 90 jyldyq tarıhy bar Qazaqstannyń Halyq banki, Azıada alaýyn saqtaýshy retinde kóp úmitkerlerdiń arasynan, eń senimdi jáne fılıaldar jelisi kóp, halyqtyń joǵary senimine ıe bank retinde tańdalyp otyr.
«Biz osyndaı keremet jobanyń resmı seriktesi ataný qurmetine ıe bolyp otyrmyz. Eń basty oqıǵalar bizdi alda - sporttyq arenalarda kútip tur dep oılaımyn. Jetinshi qysqy Azıada oıyndarynyń baıraqty básekelerin erekshe yqylaspen qadaǵalaıtyn bolamyz», - dep atap kórsetti N.Úsipov.
