Biz qazaqstandyq qoǵamda úzilissiz bilim alý kýltyn qurýymyz qajet - Elbasy
ASTANA. 7 jeltoqsan. QazAqparat - Úkimet kompanııalardyń óz qyzmetkerlerin oqytýǵa yntalandyrý máselesin zerdeleýi kerek. Biz qazaqstandyq qoǵamda úzilissiz bilim alý kýltyn qalyptastyrýmyz qajet, dep atap kórsetti Elbasy Nursultan Nazarbaev búgin «Nazarbaev Ýnıversıtetinde» oqyǵan dárisinde.
«Postındýstrııalyq úshtik - bilim, ǵylym jáne ınnovatsııa - bul elimiz ornyqty, turaqty damýdyń jańa deńgeıine ótetin kópir», dedi Prezıdent óz sózinde.
«Biz bilim berý salasyn damytýdyń 2020 jylǵa deıingi jańa baǵdarlamasyn qabyldaımyz... Árbir qazaqstandyqtyń kez-kelgen jasta bilim alýyna, kásibı daıyndyqtan ótýine, biliktiligin jetildirýge nemese jańa mamandyqty ıgerýine jaǵdaı jasalýy kerek... Sarapshylardyń aıtýynsha, amerıkandyq kompanııalarda qyzmetkerlerdi oqytýǵa salynǵan árbir 35 myń dollar soma 1 mıllıon dollar kiris ákeledi eken. Men muny ózimizdiń kompanııalarǵa, isker azamattarǵa aıtyp otyrmyn. AQSh-ta kompanııalar óz qyzmetkerlerin oqytýǵa jyl saıyn 50 mıllıard, Frantsııada - 30 mıllıard, Ulybrıtanııada - 40 mıllıard dollar jumsaıdy. Olardyń budan qandaı tabys kóretinin eseptep shyǵý qıyn emes.
Amerıkandyq jetekshi fırmalar óz qyzmetkerleriniń úshten bir bóliginen bastap 90 paıyzǵa jýyǵyn óz esebinen oqytady. Qazaqstandyq eń bolmaǵanda bir kompanııa osyndaı kórsetkishpen maqtana ala ma? Oǵan kúmánim bar», deıdi Elbasy.
«Sondyqtan da barsha jurtshylyqqa aıtarym, bizde de osyndaı bolýy úshin Úkimet osy máseleni óz qolyna alýy kerek. Kompanııalardy osyndaı jumysqa mindetteıtin jáne yntalandyratyn osyndaı sheshimdi memlekettik deńgeıde qabyldaý kerek dep sanaımyn», dedi Prezıdent.
«Úkimet osy máseleni egjeı-tegjeı zerdeleýi kerek... Biz qazaqstandyq qoǵamda úzilissiz bilim alý kýltyn qurýymyz qajet. Ómirdiń zańy solaı», - dedi Elbasy.
