Biz Qazaqstandaǵy adam quqyǵy jaǵdaıyn talqylaýdan qoryqpaımyz - M. Jarbosynova
ASTANA. 28 qarasha. QazAqparat /Marlan Jıembaı/ - Biz Qazaqstandaǵy adam quqyǵy jaǵdaıyn talqylaýdan qoryqpaımyz, dedi búgin QR Syrtqy ister mınıstrliginiń Erekshe tapsyrmalar jónindegi Elshisi Mádına Jarbosynova elordadaǵy «Shabyt» shyǵarmashylyq úıinde ótken baspasóz máslıhatynda.
«Oǵan elimizdegi keń aýqymdy pikirtalas alańy dálel bola alady. Sonymen qatar Qazaqstannan tysqary jerde ótetin is-sharalarǵa da bizdiń úkimettik emes uıymdardyń ókilderi erkin qatysady. ıAǵnı biz olardyń qatysýyna tosqaýyl bolyp otyrǵan joqpyz», - dep atap ótti Elshi.
Aıta keteıik, búgin Astanadaǵy EQYU-nyń Azamattyq qoǵam konferentsııasyna qatysqan M.Jarbosynova azamattyq qoǵamnyń róli elimizdiń damýynda, sondaı-aq jalpy halyqaralyq qoǵamdastyqtyń ilgerileýinde óte mańyzdy ekenin aıta kele: «Azamattyq ınstıtýttardyń bastamalarynyń turaqty damýǵa yqpaly zor jáne olardyń is-qımyly ekonomıkalyq jáne saıası quqyqtardyń damýyna, adamdardyń bostandyǵyna baǵyttalǵan»,-degen bolatyn.
