Biz Qazaqstanda tilimiz ben mádenıetimizdi saqtap qaldyq - túrikmen etnomádenı birlestiginiń ókili

ASTANA. 1 mamyr. QazAqparat - Astanadaǵy túrikmen etnomádenı birlestiginiń ókili Zaǵı Ábishevanyń paıymynsha, Qazaqstanda júrgizilip kele jatqan ultaralyq kelisim saıasatynyń arqasynda olar óz tilderi men mádenıetin saqtap qaldy.

«Biz bul meıramdy jyl saıyn atap ótemiz ári Qazaqstanda bizge taza nıetpen, adam kóńilmen qaraıdy. Bizge óz tilimizdi, mádenıetimizdi damytýǵa bar múmkinshilik jasalǵan», - dedi ol.

Qazaqstanda dúnıege kelgen onyń 8 balasy, 15 nemeresi, 10 shóberesi bar. Balalarynyń barlyǵy qazaq mektebinde bilim alýda. Jalpy onyń paıymynsha, basqa etnos ókilderi turyp jatqan memlekettiń tilinde bilim alýy kerek. «Taraz qalasynda turǵanymyzda balalarym da, nemerelerim de orys mektebinde oqyǵan bolatyn. Elordaǵa kóship kelgennen keıin balalarymnyń, nemerelerimniń, shóberelerimniń barlyǵyn qazaq mektebine berdim», - deıdi ol.