Biz Qazaqstan boksymen tanyspyz - «Parıj ıýnaıted» komandasynyń bas bapkeri
GÝıANG. 6 mamyr. QazAqparat /Erlik Erjanuly/ - Biz Qazaqstan boksymen tanyspyz.
Erteń Qytaıdyń Gýıang qalasynda Búkilálemdik boks serııasy aıasynda "Astana arlandary" jáne «Parıj ıýnaıted» komandalary arasynda ótetin matchqa baılanysty uıymdastyrylǵan baspasóz máslıhatynda «Parıj ıýnaıted» komandasynyń bas bapkeri Jırar Lýrero osylaı aıtty.
«Búkilálemdik boks serııasynyń aqtyq saıysynda baq synaǵaly otyrǵan qarsylastarymyz «Astana arlandarynyń» jekpe-jekterin ǵalamtordan kórdik. Qazaqstan boksymen de jaqsy tanyspyz», - deıdi Jırar Lýrero. Onyń aıtýynsha, «Parıj ıýnaıted» komandasyndaǵy bylǵary qolǵap sheberleriniń bári jetkilikti deńgeıde daıyndyqtan ótti. Olar bir-birin aýystyra alady. Tek bir ǵana boksshynyń tájirıbesi azdaý. Bul olardyń jeńiske jetýine kedergi bola almaıdy.
