Biz qalasaq ta, qalamasaq ta qant qymbattaıdy – Baqyt Sultanov

NUR-SULTAN. QazAqparat – QR Premer-Mınıstriniń orynbasary – Saýda jáne ıntegratsııa mınıstri Baqyt Sultanov qanttyń qymbattaýyna tosqaýyl joq ekenin moıyndady, dep habarlaıdy QazAqparat tilshisi.

Úkimet otyrysynan keıin jýrnalısterdiń saýalyna jaýap bergen mınıstr Baqyt Sultanov áleýmettik mańyzy 6 taýar boıynsha ımportqa táýeldilik bar ekenin eske saldy.

«Bizde taýardyń alty túri boıynsha ımportqa táýeldilik bar. Negizgi taýarlar jetpeı qalmaıdy. Importqa táýeldilikti shekteýge arnalǵan arnaıy baǵdarlamamyz bar. Bizde eksportqa táýeldi taýarlar da bar. Mysaly bıdaı biz úshin sondaı taýar. Syrtqy naryqta baǵa qymbattsa, óz ishimizde de qymbattaıdy», - dedi vedomsvto basshysy.

Onyń sózine qaraǵanda, qant sııaqty áleýmettik mańyzy bar taýarlardyń baǵasyn áleýmettik-kásipkerlik korporatsııalar arqyly turaqtandyrý jumysy júrgizilip jatyr. Al keıbir taýarlardyń baǵasy «Qarjy aınalymy» tetigi arqyly boıynsha turaqtandyrylǵan.

«Degenmen azyq-túliktiń keı túri, mysaly, qant boıynsha aıtsaq, biz qalasaq ta, qalamasaq ta baǵa ósedi. Óıtkeni búkil álem boıynsha bırjadaǵy baǵa kóterilip barady. Bizge negizgi qant jetkizýshi Reseıdiń ózi tasymaldy toqtatqandyqtan, bul ahýal bizge áser etýde. Logıstıka shyǵyndary búkil álemde ósti»,- dedi Baqyt Sultanov.

Sondaı-aq ol shet memlekettermen qant saýdasy boıynsha aıaq astynan mámilerler jasaýǵa nege májbúr bolyp júrgenin túsindirdi.