Biz iri kásiporyndardy tekseretin arnaıy aýdıtorlar «armııasyn» daıarlap jatyrmyz - vıtse-mınıstr A.Raý
ASTANA. 7 qarasha. QazAqparat - Kelesi jyldan bastap iri kásiporyndardyń energııany únemdeý júıesin arnaıy aýdıtorlar tekseretin bolady.
Bul týraly Astanadaǵy konferentsııada QR Indýstrııa jáne jańa tehnologııalar vıtse-mınıstri Albert Raý málim etti.
Vıtse-mınıstr atap kórsetkendeı, búginde Qazaqstandaǵy iri kásiporyndardyń bir ónimge jumsaıtyn energııa kólemi tym kóp bolyp otyr. «Eýropada oǵan úsh-tórt ese az energııa jumsalady. Sondyqtan kelesi jyly qańtardyń 1-inen bastap elimizdegi energııa únemdiligin arnaıy aýdıtorlar tekseretin bolady. Qazirgi kezde biz ondaı qyzmetkerlerdiń tutas bir «armııasyn» daıarlap jatyrmyz», - deıdi A.Raý. Mınıstrdiń sózine qaraǵanda, aýdıtorlar energetıkalyq reestrge kiretin barlyq kásiporyndardy teksermek. Olardyń qataryna 1500 tonnadan astam shartty otyn kólemin tutynatyn nysandar kiredi.
