Biz Iran halqynyń ýrandy baıytý quqyǵyn atap ótemiz jáne yntymaqtastyq úlgisindegi kelissózderdi qýattaımyz - Irannyń ókili
ALMATY. 6 sáýir. QazAqparat - Osy kelissózder barysynda Iran Islam Respýblıkasy Máskeý jospary sheńberindegi is-qımyl josparyn usyndy jáne osy jospar óz máni boıynsha Almatyda alty eldiń qaıta qaralǵan usynysy bolyp tabylady.
Ol sondaı-aq birinshi jáne ekinshi almatylyq kezdesýler barysynda uıymdastyrylǵan tehnıkalyq keńestiń usynymdylyǵyn qamtıdy. Bul týraly búgin Almatyda Iran ıadrolyq baǵdarlamasy boıynsha júrgizilgen kelissózderdiń ekinshi kúniniń qorytyndysynda Irannyń Joǵarǵy ulttyq keńesiniń hatshysy Saııd Djalılı málimdedi.
«Bizdiń keıbir bastamalarymyz, atap aıtqanda altylyqtyń birinshi almatylyq kezdesýinde usynylǵan bastamalar ózderińiz kórip otyrǵandaı osy úrdiske qosymsha ekpin beredi», - dep qosty S.Djalılı. Sondaı-aq ol Iran qozǵaǵan máseleler men usynystar boıynsha jan-jaqty, keshendi kelissózder júrgizilgendigi týraly aıtyp ótti.
«Alty memlekettiń ókilderi Iran qozǵaǵan usynystar bóliginde kóptegen suraqtar qoıdy. Árıne, Iran olarǵa tıisinshe tolyq jaýap berdi. Eki taraptyń kózqarasynda áli de alshaqtyq bar jáne Iran óz halqynyń ýrandy baıytýǵa quqyly ekendigin atap ótedi, sonymen birge, yntymaqtastyq rýhynda kelissózderdiń júrgizilýin qýattaıdy», - dep habarlady Saııd Djalılı.
«Kelissózderdiń eki negizgi máselesi bar, olar - Irannyń ýrandy baıytý quqyǵyn moıyndaý jáne Iran halqyna qatysty qastandyq belgilerine ıe is-qımyldyń toqtatylýy», - dep tolyqtyrdy S.Djalılı.
«Bul shyndyǵyna kelgende konstrýktıvızm rýhynda alǵa umtylý maqsatynda talqylaýǵa shyǵarylǵan máseleler. Bul oraıda alty memleket tarabynan olardyń ustanymdary usynyldy, olar sondaı-aq ózderiniń usynystarǵa tıisinshe baǵalaý júrgizýi qajet ekendigin málimdedi. Olar ótkizilgen kelissózder nátıjelerin óz astanalaryna jetkizedi. Buǵan qosa, K.Eshton alty memlekettiń syrtqy ister mınıstrlerimen keńeskennen keıin menimen baılanysqa shyǵady jáne biz budan ári kelissózderdi qalaı jalǵastyratyndyǵymyzdy talqylaıtyn bolamyz», - dep atap ótti Djalılı.
Sondaı-aq ol Qazaqstannyń baýyrlas halqyna jáne úkimetine Iran Islam Respýblıkasy men 3+3 arasyndaǵy kelissózderdiń ekinshi raýndyn uıymdastyrý is-sharalary úshin alǵysyn bildirdi.
