Biz indetpen kúreske daıynbyz, biraq aýyrmaǵan jón – Tımýr Muratov
NUR-SULTAN. QazAqparat – Nur-Sultan qalasynyń Qoǵamdyq densaýlyq saqtaý basqarmasy basshysy Tımýr Muratov mereke qarsańynda astanalyqtarǵa úndeý jasady, dep habarlaıdy QazAqparat tilshisi.
«Qazirgi ýaqytta elimizdiń densaýlyq saqtaý júıesindegi jaǵdaı qalypty, artyq salmaq túsip otyrǵan joq. Degenmen, qurmetti qala turǵyndary men qonaqtaryna aıtar ótinishim, alda kele jatqan meıramdar bar. Bir-birimizge qonaqqa barý dástúrimizde bar degen. Restoran, kafe, karaoke-bar degendi azaıtqan jón. Adamǵa negizgi keregi, negizgi baılyǵy – densaýlyq. Qansha dáriger, qansha aýrýhana daıyn bolsa da, aýyrmaǵan durys qoı. Sondyqtan barlyqtaryńyzdy saq bolýǵa shaqyramyn. Alda kele jatqan uly mańyzdy meıram – Táýelsizdik kúnimen barshańyzdy quttyqtaımyn!», - T. Muratov Nur-Sultan ákimdiginde ótken brıfıngte.
Buǵan deıin Tımýr Muratov JRVI belgileri baıqalǵan jaǵdaıda ne isteý kerektigin túsindirgen edi.
Sonymen birge, spıker qaı sanatqa PTR-testileý tegin jasalatynyn aıtyp berdi.
