Biz halyqtyń bılikke degen senimin qaıtarýymyz kerek - Qyrǵyzstan Prezıdenti Roza Otynbaeva
KEK. 24 qarasha. QazAqparat / Arnur Rahymbekeov/ - Jaqynda Qyrǵyzstan Respýblıkasynyń Úkimet úıinde prezıdent Roza Otynbaevanyń respýblıkalyq memlekettik organdar janyndaǵy qoǵamdyq baqylaýshylar keńesiniń múshelerimen kezdesýi bolyp ótti.
Kezdesýge sondaı-aq Qyrǵyzstan Respýblıkasy prezıdent ákimshiliginiń jetekshisi Emilbek Qaptaǵaev, memlekettik organdar jetekshileri, halyqaralyq uıym ókilderi qatysty.
Kezdesýdi ashqan memleket basshysy aǵymdaǵy jylǵy 29 qyrkúıek kúni qol qoıylǵan jarlyq memlekettik organdardyń, jergilikti ózin-ózi basqarý organdarynyń azamattyq qoǵam ınstıtýttarymen ózara is-áreket etý formasyn tájirıbege engizip, ony keńeıtýge baǵyttalǵanyn, sonymen qatar sheshim qabyldaý úderisteriniń ashyqtyǵymen qamtamasyz etý, olardy qoǵam múddesin eskere otyryp júzege asyrýǵa baǵyttalǵanyn atap ótti.
«Qalyptasatyn jańa úkimet jemqorlyqqa qarsy kúreske, memlekettik organdar qyzmetiniń shynaıylylyǵy men ashyqtyǵyn qamtamasyz etýge, olardyń halyqqa kórsetetin qyzmet sapasynyń artýyna baǵyttalǵan osy bastamalardy qoldap, olardy júzege asyrýdy jalǵastyrady dep senemin. Úkimettiń kelesi qadamy memlekettik organdar qyzmetiniń nátıjesine degen «halyq seniminiń ındeksin» ólsheý ádisin jasaý bolýy kerek», - dep atap ótti R.Otynbaeva.
