Biz Eýropa men Azııanyń arasyna kópir salyp otyrmyz - tarıhshy Serik Máshimbaev
ALMATY. Naýryzdyń 12-si. QazAqparat /Erlik Erjanuly/ Eýropalyq Odaq pen EQYU-nyń alǵashqy músheleriniń biri sanalatyn Germanııa men Qazaqstan arasyndaǵy strategııalyq seriktestik qarym-qatynas jyl ótken saıyn tereńdep kele jatyr.
Bul búgin Almatyda ótip jatqan "Yqpaldastyq pen qaıta qurý úrdisindegi Ortalyq Azııa men Eýropa tarıhynyń kontseptýaldyq máseleleri" dep atalatyn halyqaralyq ǵylymı-teorııalyq konferentsııada sóz boldy, dep habarlaıdy QazAqparat.
"Qazaqstan men Germanııa arasyndaǵy 20-shy ǵasyrdyń alǵashqy jartysynda bastalǵan yntymaqtastyq qarym-qatynas táýelsizdikten keıin burynǵydan beter nyǵaıdy. Oǵan Stalın zamanynda Edil boıynan Qazaqstanǵa kóshirilgen 1 mıllıondaı nemistiń bizdiń qazaqtarmen birdeı taǵdyrda bolýy óz septigin tıgizdi. Al Qazaqstan Prezıdentiniń Germanııaǵa sapary kezinde eki eldiń arasynda uzaq merzimdik dostyq kelisimniń jasalýy sonyń naqty aıǵaǵy", deıdi tarıh ǵylymynyń doktory Serik Máshimbaev. Qazaqtyń ál- Farabı atyndaǵy ulttyq ýnıversıteti professorynyń aıtýynsha, qazir eki eldiń arasyndaǵy tarıhı aqtańdaqtardyń orny toltyrylýda. Germanııanyń Qazaqstanǵa salǵan ınvestıtsııasynyń kólemi byltyr 5 mıllıard dollarǵa jýyqtady. Qazir ol ınvestıtsııasynyń kólemi jaǵynan AQSh pen Ulybrıtanııadan keıingi úshinshi orynda kele jatyr. Eýropalyq Odaq pen EQYU-nyń eń alǵashqy músheleriniń biri sanalatyn Germanııamen aradaǵy strategııalyq seriktestik qarym-qatynas arqyly Qazaqstan búgingi tańda Eýropa men Azııanyń arasyna kópir salyp otyr.
