Biz Elbasy tapsyrmalaryn oryndaýdyń berik zańnamalyq negizin qamtamasyz etemiz - N.Nyǵmatýlın
ASTANA. 2 qyrkúıek. QazAqparat - V shaqyrylǵan Parlamenttiń 3-sessııasy bastaldy. Osyǵan oraı Palatalardyń birlesken otyrysynda Qazaqstan Prezıdenti Nursultan Nazarbaev depýtattyq korpýstyń zań shyǵarmashylyq qyzmetiniń negizgi baǵyttaryn aıqyndap berdi.
Bul týraly QR Parlamenti Májdilisiniń baspasóz qyzmeti habarlady.
Májilis tóraǵasy Nurlan Nyǵmatýlın halyq qalaýlylarynyń Elbasy tapsyrmasyn abyroımen atqarýǵa daıyn ekendikterin aıta kelip, barlyq kúsh-jiger burynǵydaı «Qazaqstan - 2050 Strategııasyna» sáıkes, Prezıdenttiń alǵa qoıǵan mindetterin zańdyq turǵydan júzege asyrýǵa baǵyttalatyndyǵyn jetkizdi.
Nurlan Nyǵmatýlınniń atap ótkenindeı, Elbasy áleýmettik baǵyttaǵy zańdarǵa basa nazar aýdardy. Sondyqtan, kásipodaqtar týraly, eń tómengi áleýmettik standarttar men kepildikter týraly, sondaı-aq, kásipkerlikke qatysty birqatar zańdardyń mańyzdylyǵy zor.
Qylmystyq, Qylmystyq-protsessýaldyq, Qylmystyq-atqarýshylyq jáne Ákimshiliktik Kodekster, sondaı-aq, halyqaralyq kelisimderdi ratıfıkatsııalaý da depýtattyq korpýstyń basty nazarynda bolmaq.
Májilis Tóraǵasynyń aıtýynsha, jyl sońyna deıin depýtattardyń ózderi bastamashy bolǵan birqatar zań jobalaryn qaraý da josparlanǵan. Olardyń qatarynda, «Qazaqstan Respýblıkasyndaǵy tómengi memlekettik áleýmettik standarttar týraly», «Birqatar zańnamalyq aktilerge agroónerkásiptik keshen máseleleri boıynsha ózgerister men tolyqtyrýlar engizý týraly», «Birqatar zańnamalyq aktilerge turmystyq zorlyq-zombylyqqa qarsy is-qımyl máseleleri boıynsha ózgerister men tolyqtyrýlar engizý týraly», basqa da zań jobalary bar.
- Aldaǵy ýaqytta da naqty áleýmettik baǵdar, turǵyndardyń mańyzdy ári ózekti máselelerin sheshýge umtylý - depýtattardyń zańnamalyq bastamalarynyń negizgi ereksheligi bolmaq.
Elbasy Nursultan Nazarbaev bizge árqashanda osyndaı mindet júktep keledi, - dedi Nurlan Nyǵmatýlın.
Qazirgi ýaqytta Parlament qorjynynda 35 zań jobasy bar.
