Biz dúnıejúzilik ınnovatsııalyq damý báıgesine qosyldyq - QR Ǵalymdar odaǵynyń prezıdenti Orazaly Sábden
ALMATY. 5 jeltoqsan. QazAqparat /Erlik Erjanuly/ - Qazaqstandaǵy ǵylym-bilimniń kósh basynda kele jatqan ál-Farabı atyndaǵy Qazaq ulttyq ýnıversıteti ınnovatsııalyq damýda da ózgelerge úlgi-ónege kórsetýde.
Ony Ekonomıka ınstıtýtynyń dırektory, ekonomıka ǵylymynyń doktory Orazaly Sábden búgin Almatyda ótip jatqan «Egemendi Qazaqstan: jetistikteri men strategııalyq damýynyń basym baǵyttary» dep atalatyn alqaly jıynda aıtty.
«Qazaqstan Táýelsizdiginiń 20 jyldyǵyna - 20 ınnovatsııa» dep atalatyn halyqaralyq forým aıasynda ótetin bul sharanyń mańyzy zor. Qazaqstan ǵalymdarynyń forýmynda Elbasy «100 ınnovatsııalyq jobany QR Úkimetiniń aldyna qoıdym, oǵan atsalysyńdar», degen bolatyn. Endi ınnovatsııalyq jańalyqta kim alda júredi, kim úlken jobalar jasaıdy sol memleket alǵa shyǵady. Biz dúnıejúzilik ınnovatsııalyq damý báıgesine qosyldyq», - deıdi Ulttyq ınjenerlik akademııanyń akademıgi O. Sábden. Onyń aıtýynsha, ınnovatsııa degen qarapaıym tilmen aıtqanda ǵylymnyń qaıtalamaıtyn jańalyǵyn óndiriske engizý. Absolıýtti ınnovatsııa boıynsha ıAdrolyq ortalyq Mendeleev kestesine jańa element qosý úshin qondyrǵy jasady. Ol iske assa 2016-2017 jyldary óz nátıjesin beredi degen tujyrym bar.
