Biz daryndy balalardyń ustazdaryn da oqytatyn bolamyz - K.Shámshıtdınova
ASTANA. 20 tamyz. QazAqparat - Biz daryndy balalarǵa sabaq berip jatqan ustazdardyń da kásibı daıyndyǵyn kóterýge ázirmiz. Búgin Astanada bastalǵan Qazaqstan pedagogtarynyń tamyz konferentsııasynda «Nazarbaev Intellektýaldy mektepteri» AQ basqarmasynyń tóraıymy Kúlásh Shámshıtdınova osylaı aıtty.
Basqarma tóraıymy atap kórsetkendeı, bıyl Nazarbaev zııatkerlik mektepterinde bilim alýǵa nıet bildirgen oqýshylardyń 45 paıyzy tıisti upaıdy jınaı almady. «Sol sebepti biz balalardy aldyn ala daıyndap, olardyń ishinen daryndy oqýshylardy izdeý aıasyn barynsha keńeıtýimiz qajet. Ondaı jasósirimder tabylatyn bolsa, biz olardy oqytyp jatqan ustazdardyń da kásibı daıyndyǵyn kóterýge ázirmiz. Sebebi bala bizge túsken kezde jan-jaqty daıyn bolýy tıis», - dedi ol.
