Biz daǵdarystyń saldarymen kúreske baǵyttalǵan qarjynyń tıimdi paıdalanylýyna baılanysty júktelgen mindetterdi oryndadyq - úılestirý keńesi
STANA. Aqpannyń 25-i. QazAqparat /Aıdar Ospanalıev/ - Elimizdiń quqyq qorǵaý organdary Memleket basshysynyń daǵdarystyń saldarymen kúres maqsatynda ulttyq qordan bólingen qarjynyń maqsatty ári tıimdi paıdalanylýyn baqylaý jónindegi tapsyrmasyn oryndady.
Búgin elimizdiń quqyq qorǵaý organdarynyń Úılestirý keńesiniń otyrysynda Bas prokýror Qaırat Mámı osylaı dedi, dep habarlaıdy QazAqparat.
Onyń sózine qaraǵanda, ulttyq qordan bólingen 1 trıllıon 200 mıllıard teńgeni ıgerýge ekinshi deńgeıli bankterdi qosa alǵanda ondaǵan memlekettik qurylymdar tartyldy. «Bul rette bizdiń aldymyzda birinshi kezekte atalǵan qurylymdardyń barlyǵynyń qyzmetin uıymdastyra bilý mindeti turdy. Osy baǵyttaǵy jumystardyń nátıjesinde daǵdarysqa qarsy baǵyttalǵan qarjynyń belgilengen ýaqytta ári tıimdi ıgerilýin qamtamasyz etildi. Qarjyny ıgerý barysynda aıtarlyqtaı zań buzýshylyqtar nemese ony talan-tarajǵa salý oqıǵalary bolǵan joq. Bul baǵyttaǵy jumystar áli de jalǵasýda. Biz bul rette baqylaý tetikterin áli de bolsa jetildirý túsýdi kózdep otyrmyz», dedi Q.Mámı.
