Biz bul saılaýda tek Prezıdentti emes, óz bolashaǵymyzdy da saılaımyz - Rahman Alshanov
ALMATY. 31 naýryz. QazAqparat /Erlik Erjanuly/ - Saılaýǵa qatysý - ár azamattyń jaýapkershiligin aıqyndaıtyn jaýapty sáttiń biri. Bul jóninde búgin Almatyda ótken «Almatylyqtar: bolashaqtyń saılaýy» dep atalatyn dóńgelek ústel jıynynda aıtyldy.
«Elbasyn saılaý barlyq elde de mańyzy zor úlken oqıǵa. Sońǵy jyldary álemniń kóptegen elderinde úlken daý-damaılar shyǵyp jatyr. Onyń negizinde osy memleketterdegi túrli saılaýlarda kezinde halyqtyń daýysynyń durys sanalmaı, oǵan jetkilikti mán berilmeı, durys saıasat júrgizbeý jatyr. Onda árbir azamat ózi jaýapkershilik kórsetýi kerek», - deıdi ekonomıka ǵylymynyń doktory Rahman Alshanov.
Onyń aıtýynsha, 3 sáýirde Qazaqstannyń saılaýda daýys berý quqy bar barlyq azamattary óz múmkindigin iske asyrýy kerek. Óıtkeni onda Prezıdent qana emes, búkil bir eldiń bolashaǵy saılanady.
