Biz bul saılaýda tek Prezıdentti emes, óz bolashaǵymyzda da saılaımyz - Rahman Alshanov
ALMATY. 31 naýryz. QazAqparat /Erlik Erjanuly/ - Saılaýǵa qatysý - ár azamattyń jaýapkershiligin aıqyndaıtyn jaýapty sáttiń biri.
Bul týraly búgin Almatyda ótken «Almatylyqtar: bolashaqtyń saılaýy» dep atalatyn dóńgelek ústel jıynynda aıtyldy.
«Elbasyn saılaý barlyq elde de mańyzy zor úlken oqıǵa. Sońǵy jyldary álemniń kóptegen elderinde úlken daý-damaılar shyǵyp jatyr. Onyń negizinde osy memleketterdegi túrli saılaýlarda kezinde halyqtyń daýysynyń durys sanalmaı, oǵan jetkilikti mán berilmeı, durys saıasat júrgizbeý jatyr. Onda árbir azamat óziniń jaýapkershiligin kórsetýi kerek», deıdi ekonomıka ǵylymynyń doktory Rahman Alshanov.
Onyń paıymdaýynsha, 3 sáýirde Qazaqstannyń saılaýda daýys berýge quqy bar barlyq azamattary óz múmkindigin iske asyrýlary kerek. Óıtkeni onda Prezıdent qana emes, búkil bir eldiń bolashaǵy saılanady.
