Biz bul qıyndyqty birlikpen jeńemiz - ýnıversıtet rektory

ShYMKENT. QazAqparat – Prezıdent Qasym-Jomart Toqaev Covid-19 indetine baılanysty úndeýinde talaı tarıhı synaqtardan ótken elimizdiń budan da myzǵymas birligimizdiń arqasynda jeńetindigimizdi atap ótti. Memleket basshysynyń halyqty jigerlendirgeni - úlken qoldaý, degen pikir bildirdi Shymkenttegi M.Áýezov atyndaǵy OQMÝ rektory Darııa Qojamjarova.

«Prezıdent óz sózinde elimizdegi jaǵdaıǵa baılanysty alańdaýshylyq bildirdi. Ásirese, qaýipti indettiń ýshyǵyp turǵan kezinde dári-dármektiń jetispeýshiligi men laboratorııalyq aldyn alý sharalaryn uıymdastyrý kezindegi kemshilikterdiń basty nazarǵa alynyp otyrǵanyn jetkizdi. Memlekettik komıssııanyń bul is-sharalarǵa qaıta kóńil bólip, elimizde karantınniń jarııalanǵanyn jáne onyń durys sheshim ekenine kóńil aýdardy. Sondaı-aq, Prezıdenttiń úndeýinen el basyna túsken qıyndyqty qorqynyshpen emes, ózimizdiń birligimiz ben sabyrlyǵymyzdyń arqasynda jetetinimizge kóz jetkizdik. Memleket basshysy óz sózinde indetke qarsy memleket tarapynan árbir azamattyń deniniń saýlyǵy úshin memleket jáne ákimdikterdiń, densaýlyq saqtaý uıymdarynyń tarapynan barlyq sharalardyń qolǵa alynatyndyǵy týraly málimdedi. Óz kezeginde M.Áýezov atyndaǵy OQMÝ ujymy úndeýdi qoldaı otyryp, árbir Qazaqstan azamatyna sabyrlyq pen shydamdylyq jáne zor densaýlyq tileıdi»,- dedi Darııa Qojamjarova.