«Biz boksymyzdyń deńgeıi ósip kele jatqandyǵyn sharshy alańda dáleldeýimiz kerek» - respýblıkalyq basylymdarǵa sholý
***
«Keshe Astanada Memleket basshysy Nursultan Nazarbaevtyń tóraǵalyq etýimen Qazaqstan Respýblıkasy Prezıdentiniń janyndaǵy shet el ınvestorlary keńesiniń 24-shi plenarlyq otyrysy bolyp ótti. Ol «Qazaqstandyq kásiporyndardy jańǵyrtý jáne jańartý» degen taqyrypqa arnaldy», - dep jazady «Egemen Qazaqstan» gazeti búgingi nómirindegi «Jańǵyrý men jańarý» degen taqyryptaǵy maqalasynda. Basylymnyń atap ótýinshe, alqaly jıyndy qoryta kele Elbasy ústimizdegi jyly el Táýelsizdiginiń 20 jyldyǵyn atap ótýge baılanysty joǵary deńgeıdegi ekonomıkalyq forýmdar men sharalar ótkizý josparlanyp otyrǵandyǵyn aıta kele, shet el ınvestorlary keńesiniń kelesi mereıtoılyq 25-shi otyrysyn 2012 jyldyń 22 mamyrynda Astanada, V Astana ekonomıkalyq forýmynyń qarsańynda ótkizýdi usyndy.
«Egemen Qazaqstan» gazetiniń jazýynsha, keshe QR Syrtqy ister mınıstri Erjan Qazyhanov bizdiń elge alǵash ret resmı saparmen kelgen óziniń malaızııalyq áriptesi Dato Shrı Anıfa Amanmen kezdesý ótkizdi. Kezdesý aıasynda ekijaqty yntymaqtastyq jáne Qazaqstan men Malaızııanyń halyqaralyq qoǵamdastyq pen uıymdar sheńberindegi ózara yqpaldastyǵynyń ózekti máseleleri boıynsha pikir almasyldy. Sonymen qatar joǵary deńgeıdegi kezekti kezdesýge daıyndyq máseleleri qarastyryldy. Atalǵan kezdesý Malaızııa Premer-mınıstri Nadjıb Týn Abdýl Razaktyń Qazaqstanǵa jaýapty sapary aıasynda maýsym aıynda jasalady. Sonymen qatar sol sapar sheńberinde Razaktyń 7-shi Búkilálemdik ıslam ekonomıkalyq forýmyna da qatysýy josparlanǵan.
***
Ótken aptada EýrAzEQ, TMD uıymdarynyń Parlamenttik Assambleıa otyrystaryna qatysyp, qur maqtannan góri omyraýǵa orden taǵyp qaıtqan qazaqstandyq májilismenderdiń keshegi otyrysy áp-ádemi, kóterińki kóńilmen bastalyp-aq edi. Májilis tóraǵasy da jıyndy halyqaralyq deńgeıde kózge túskenderdi marapattaýdan bastaǵan-dy. Degenmen «Alash aınasy» gazetiniń atap ótýinshe, osy mamyrajaı kúıdi Irak Elekeevtiń áriptesterine qarata jasaǵan Parlamentti taratý týraly úndeýi qurtypty. Bul jaıynda tereńirek bilgińiz kelse, búgingi nómirdegi «Usynys aıtyldy, Májilis taraı ma?» degen mqala nazaryńyzda bolsyn. «Sóıtip keshegi jıynda «múlgigen» Májilis mazasyzdyqqa shaldyqty. Tipti jıynnyń bereketi ketti dese de bolady. Jetekshilikte otyrǵan Jánibek Káribjanov zaldaǵy tynyshtyqty úsh qaıtara surady. Áriptesine qarap pikir aıtýshylar da ekige jaryldy. Degenmen, kópshiligi «qabiletsizdikke», «lobbıstikke» qatysty máseleni moıyndaıtyndaı», - dep jazady basylym.
Osy basylymnyń turaqty «Dat!» aıdarynda bokstan Qazaqstan ulttyq quramasynyń bas bapkeri Myrzaǵalı Aıtjanovpen aradaǵy suhbat «Biz boksymyzdyń deńgeıi ósip kele jatqandyǵyn sharshy alańda dáleldeýimiz kerek» degen taqyryppen berilgen. Basylymnyń barlyq saýaldaryna tuşymdy jaýap bergen bapker: «Dál qazir bizde, Qazaqstanda, aqsha, qarajat jaǵy problema emes dep oılaımyn. Bizge Ulttyq boks federatsııasy qolynan kelgen barlyq jaǵdaıdy jasaýda, demep-jebep otyr. QR Týrızm jáne sport mınıstrligi de kómegin aıap otyrǵan joq, qoldap, kómektesip otyr. túptep kelgende, munyń bári - Elbasynyń saıasaty», - deıdi.
***
Perýdiń astanasy Lıma qalasynda aýyr atletıkadan 17 jasqa deıingi jasóspirimder arasynda álem birinshiligi ótkeni jaıynda «Aıqyn» gazeti buǵan deıin de habarlaǵan edi. Tórtkúl dúnıeniń asa daryndy jastary bas qosqan atalmysh jarysta jasyndaı jarqyldap, jeńis tuǵyryna kóterilgen jerlesterimiz - Nadejda Nogaı men Ádilbek Balqaev keshe elge oraldy. Osyǵan oraı atalǵan gazette «Tórtkúl dúnıeni tamsandyrdy» degen taqyryppen maqala jarııalandy. «Nadejda Nogaı ekinshi oryn alǵan meksıkalyq Gladıs Plasensıa Býenodan baqandaı 48 keli salmaq artyq kóterdi. Qola medal alǵan taıpeılik Lý ıÝng ıÝan jerlesimizden 73 keli qalyp qoıdy. ıAǵnı búgingi tańda Nadejdaǵa tórtkúl dúnıede teń keler eshkim joq ekenine kópshilik anyq kóz jetkizdi», - dep jazady basylym.
***
«Keshe Memleket basshysy Nursultan Nazarbaev Sheteldik ınvestorlar keńesiniń 24-shi plenarlyq otyrysynyń aıasynda birqatar ekijaqty kezdesýler ótkizdi», - dep jazady «Kazahstanskaıa pravda» gazeti. Basylymnyń atap ótýinshe, «TelıaSonera» kompanııasynyń prezıdenti jáne bas atqarýshy dırektory Lars Nıbergpen kezdesý kezinde ekijaqty yntymaqtastyq máseleleri talqylandy. «Biz uıaly baılanystyń ornyn toltyrý jáne málimetter berý jyldamdyǵyn odan ári arttyrý máselelerin talqyladyq. Biz Qazaqstanda 10 jyldan astam ýaqyt jumys isteımiz jáne jaqsy nátıjelerge jettik. Biz osynda qalyptasqan bıznes ortadaǵy senimdilikti shyn máninde bastan ótkerdik. Qazaqstanda ınvestıtsııalyq baǵdarlamany jalǵastyrý úshin bizde kóptegen perspektıvalar bar dep bilemin», - dedi L.Nıberg jýrnalısterge arnalǵan brıfıng kezinde.
