Biz Biryńǵaı ekonomıkalyq keńistiktiń ońdy jaǵy kóp bolady dep jumys jasap jatyrmyz - EýrAzEQ-taǵy Qazaqstannyń turaqty ókili
ALMATY. 15 qarasha. QazAqparat /Erlik Erjanuly/ - Biryńǵaı ekonomıkalyq keńistiktiń basty maqsattarynyń biri barlyq elderdiń arasyndaǵy makroekonomıkalyq kórsetkishterdiń bárin biryńǵaılap,
bir júıege keltirý. Bul jaıly búgin Almatyda ótip jatqan «Biryńǵaı ekonomıkalyq keńistikti qalyptastyrý: jaǵdaıy, máseleleri jáne keleshegi» dep atalatyn ǵylymı-tájirıbelik konferentsııada aıtyldy.
«Qazir Kedendik odaq jumysyn jasap jatyr. Ol taýar aınalymynyń erkindigin qamtamasyz etetin bolsa, Biryńǵaı ekonomıkalyq keńistikte 1-qańtardan bastap tek taýarlar ǵana emes kapıtal men qyzmet jasaý múmkindikteriniń bári erkin bolady. Biz jaqsy jaǵy kóp bolady dep jumys jasap jatyrmyz. Óıtkeni barlyq jasap jatqan qyzmettiń barlyǵy Biryńǵaı ekonomıkalyq keńistikti iske asyryp, ár eldiń ekonomıkasyna ǵana emes, halyqtyń turmys jaǵdaıyn joǵarylatýǵa óziniń septigin tıgizedi», - deıdi EýrAzEQ-taǵy Qazaqstannyń turaqty ókili Baqytjan Ordabaev. Onyń aıtýynsha, Kedendik odaqtyń jumys jasap jatqanyna 2 jylǵa jýyq ýaqyt bop qalady. Búgingi deıin taýar aınalymynyń qanshalyqty ósip jatqanyn eldiń bári estip, kórip jatyr. Ol sandar áli de óziniń joǵary deńgeıine jetken joq. Ony tek qana 1-kezeńdegi sandar dep esepteý kerek. Keleshekte bul ekonomıkalyq qarym-qatynastyń sandary odan ary ulǵaıady, oǵan tolyq senim bar.
