Biz birgemiz: Zııaly qaýym ókilderi aktsııany qoldady

NUR-SULTAN. QazAqparat - Astanalyq jastar bastaǵan «Biz birgemiz» aktsııasyn odan ári jalǵastyrý maqsatynda zııaly qaýym ókilderi men memlekettik qyzmetkerler Qalamgerler alleıasyn qardan tazartty, dep habarlaıdy QazAqparat ákimdiktiń saıtyna silteme jasap.

Memleket basshysy qoldaǵan «Biz birgemiz» aktsııasyna zııalylar, memlekettik qyzmetkerlerden quralǵan 100-den astam adam qatysty. Nesipbek Aıt, Ǵarıfolla Esim, Orazkúl Asanǵazy, Marat Ábsemetov, Amanjol Áltaev, Bekjan Ábdýálıuly syndy ǵalymdar, qoǵam qaıratkerleri jáne taǵy basqa el zııalylary Qalamgerler alleıasyn qalyń qardan tazalaý jumystaryna qatysty.

Sonymen qatar, aktsııaǵa Tilderdi damytý jáne arhıv isi basqarmasy jáne oǵan qarasty «Memlekettik arhıvi» MM, «Rýhanııat» MKM-niń ujymdary da úles qosty.

«Prezıdenttiń «Biz birgemiz» degen bastamasy bizge, qala jurtshylyǵyna úlken serpin týdyrdy. Qazaq qıynshylyqta da, qýanyshta da birge bolǵan. Tabıǵat minez kórsetpeı turmaıdy. Sondyqtan jigerli jastar, aǵa býyn bastap, qalamyzdy tazalaýǵa atsalysyp jatyrmyz», - dedi belgili aqyn Nesipbek Aıtuly.