«Biz birgemiz!»: Semeılik polıtseıler muqtaj otbasylarǵa kómek kórsetti

SEMEI. QazAqparat – Semeı qalasyndaǵy polıtsııa qyzmetkerleri muqtaj otbasylarǵa kómek kórsetti, dep habarlaıdy QazAqparat tilshisi.

Qalalyq polıtsııa basqarmasy baspasóz qyzmetiniń málimetine súıensek, karantın kezinde kásiporyndardyń kóbi jumysyn toqtatqandyqtan keıbir otbasylar qıyn jaǵdaıǵa tap bolǵan. Osy rette tártip saqshylary olarǵa kómektesýdi ózderiniń azamattyq boryshy dep sanady.

«Jýyqta tergeýshiler birlesip áleýmettik mańyzy bar azyq-túlik ónimderin osyndaı otbasylarǵa tarattyq. Osylaısha, biz koronavırýspen kúreste bárimizdiń bir ekenimizdi kórsetkimiz keldi. Muqtaj jandarǵa qolushyn sozýǵa múmkindik bolsa, aıanyp qalmaý kerek. Bir-birimizge qamqorlyq tanytqanymyz jón», - deıdi Semeı qalalyq Polıtsııa basqarmasy bastyǵynyń orynbasary, polıtsııa polkovnıgi Suńǵat Ádilbekov.

Osy rette polıtseıler qazirgi qıyn kezde ár adamnyń negizgi mindeti – ózin oqshaýlaý arqyly jaqyndarynyń, týǵan-týysqandarynyń densaýlyǵyn saqtaý ekendigin atap ótti.