Biz birgemiz: Semeılik oqýshylar qar kúreýge shyqty

SEMEI. QazAqparat - Semeı qalasyndaǵy Nazarbaev Zııatkerlik mektebiniń oqýshylary «Biz birgemiz» aktsııasyn qoldady, dep habarlaıdy QazAqparat.

«Aqyltaı» balabaqshasynyń aýlasyn qardan tazalaýǵa bilim ordasynan 30-ǵa jýyq muǵalim men 100-ge tarta joǵary synyp oqýshylary shyqqan.

«Bıyl elimizde qar tolassyz jaýdy. Osyǵan oraı respýblıkamyzdyń túkpir-túkpirinde «Biz birgemiz» chellendji ótýde. Shákirtterimizdiń osy sharaǵa «biz de qatysaıyq» degen usynysyna birden qoldaý tanyttyq», - deıdi mektep dırektorynyń orynbasary Larısa Ábilqasymova.

Oqýshylar aktsııany Semeıdegi №7, 19, 22, 31, 39 mektepteri men Qaraǵandydaǵy Nazarbaev Zııatkerlik mektebine joldady.

Aıta keteıik, elorda jastary áleýmettik jelide óz kúshterimen qar kúreý chellendjin bastaǵan bolatyn. Eriktilerdi Memleket basshysy Qasym-Jomart Toqaev ta qoldady.