«Biz Birgemiz»: Samal Eslıamova marapattaldy
PETROPAVL. QazAqparat – Petropavlda «Nur Otan» partııasy Soltústik Qazaqstan oblystyq fılıaly tóraǵasy, oblys ákimi Qumar Aqsaqalov «Biz Birgemiz» respýblıkalyq aktsııasyna belsendi qatysqan eriktilerdi Elbasy N.Á. Nazarbaevtyń Alǵys hattarymen marapattady, dep habarlaıdy QazAqparat tilshisi.
«Nur Otan» partııasy kóshbasshysynyń qoltańbasy bar Alǵys hatty Qumar Aqsaqalov 13 volonterge tapsyrdy, olardyń arasynda – bıznes, qoǵamdyq birlestikter ókilderi, jýrnalıster, sportshylar, mádenıet qaıratkerleri bar. Barlyǵy oblys boıynsha marapatqa 87 adam ıe boldy.
«Juqtyrý qaýpiniń joǵary bolýyna, aýa-raıy jaǵdaıyna jáne basqa da qıyndyqtarǵa qaramastan, volonterler muqtaj azamattardyń úılerin aralap, olardy azyq-túlikpen, antıseptıkalyq quraldarmen qamtamasyz etti. Mundaı jastarǵa qurmet kórsetý kerek, olar úzilissiz, demalyssyz jumys istedi, kún saıyn 6-7 mekenjaıdy aralap, ózderiniń áleýmettik jaýapkershiligin bildirdi. Bizdiń volonterlerimiz bul jyldyń olardyń qurmetine beker atalmaǵanyn ispen dáleldedi. Sizderdiń rııasyz jáne adal jumystaryńyz úshin úlken rahmet», - dedi partııanyń aımaqtyq fılıalynyń tóraǵasy Qumar Aqsaqalov.
Elbasy atynan alǵys alǵandardyń arasynda – «Morjı Petropavlovsk 15» birlestiginiń jetekshisi Erik Maǵambetov te bar. Tótenshe jaǵdaı ýaqytynda ol jáne birlestiktiń músheleri Petropavlda turatyn 70 otbasyna kómek kórsetti.
«Elbasy atynan alǵys hatpen marapattalǵanyma qýanyshtymyn. Bizge kómektesip, azyq-túlik, basa da kerekti zattardy jınaýǵa kómektesken adamdarǵa rahmet aıtamyn. Instagram áleýmettik jelisinde jarııalanǵan úndeýimizge kóptegen turǵyn ún qosty, qarajattaryn senip tapsyrdy. Barlyq aqsha muqtajdarǵa úlestirildi. Nurotandyqtarǵa jumysty úılestirgeni úshin alǵys aıtamyn, qıyn kezeńde biz birgemiz ekenimizdi dáleldedik», - dep atap ótti Erik Maǵambetov.
«Nur Otan» partııasy SQO fılıaly baspasóz qyzmetiniń málimetinshe, «Biz Birgemiz» aktsııasy óńirde 18 naýryzda bastaldy. Іs-sharaǵa túrli sala ókilderi qatysyp, úles qosty. Sonyń ishinde tanymal aktrısa Samal Eslıamova da bar.
Aktsııa aıasynda muqtaj jandarǵa azyq-túlik, birinshi qajettilik taýarlary, antıseptıkalyq jáne qorǵanys quraldary tegin taratyldy. Osylaısha oblystyń 2,5 myńnan astam turǵynyna kómek kórsetildi.
Sonymen qatar, «Birgemiz» qoǵamdyq qorynan óńirdiń muqtaj turǵyndaryna 50 myń teńge kóleminde qarjy úlestirildi. Nátıjesinde Petropavl jáne oblys aýdandarynyń 18 myń 800-den astam turǵynyna 944 mln teńge somasynda qoldaý kórsetildi.
