«Biz birgemiz»: QHA dárigerlerge qoldaý kórsetti

NUR-SULTAN. QazAqparat - Qazaqstan halqy Assambleıasy #BIZBIRGEMIZ aktsııasy aıasynda koronavırýspen kúresip jatqan dárigerlerge qoldaý kórsetti, dep habarlaıdy QazAqparat Assambleıanyń saıtyna silteme jasap.

Almaty qalasyndaǵy Qazaqstan uıǵyrlarynyń respýblıkalyq etnomádenı ortalyǵynyń fılıaly, «Ózbek mádenı ortalyǵy» qoǵamdyq birlestigi jáne «Ildash» tatar ortalyǵy qysqa merzim ishinde salynǵan jańa modýldik gospıtalge kómek retinde 350 elektrondyq termometrdi syıǵa tartty.

Medıtsınalyq buıymdardy satyp alýǵa «Ildash» tatar ortalyǵynyń tóraıymy Nurııa Nııazova, Ózbek ulttyq etno-mádenı ortalyǵynyń tóraǵasy Abdýlla Ismatýllaev, Almaty qalasy respýblıkalyq Qazaqstan uıǵyrlarynyń etnomádenı ortalyǵy fılıaly tóraǵasynyń orynbasary Abdýlhalıl qol ushyn sozyp, qarjylaı kómek berdi.

Elektrondyq qurylǵylardy emdeý mekemesine «Ildash» tatar ortalyǵynyń tóraıymy Nurııa Nııazova, «Ózbek mádenı ortalyǵy» AQ tóraǵasynyń orynbasary Halıl Oralbaev, Qazaqstan Prezıdenti janyndaǵy «Qoǵamdyq kelisim» RMM qyzmetkeri Qýat Hamzın, «Qazaqstan uıǵyr jastary odaǵy» AQB tóraǵasy Rýstam Kaıryev arnaıy tapsyrdy. Óz ómirlerin qaýipke tigip, aldyńǵy shepte jumys istep jatqan medıtsına qyzmetkerlerine alǵys aıtyp, Qazaqstan halqy Assambleıasy árdaıym halyqpen birge ekenin jetkizdi.