Biz birgemiz: Keles aýdanynda az qamtylǵan otbasylarǵa kómek kórsetildi
«Abaı» bastaýysh partııa uıymynyń uıymdastyrýymen «Jas Otan» jastar qanaty músheleri men aýdan eriktileri 10 otbasyǵa azyq-túlik jetkizip berdi.
«Nur Otan» partııasy respýblıkalyq deńgeıde az qamtylǵan otbasylarǵa qol ushyn berý maqsatynda, Elbasy bastamasymen «Biz birgemiz!» respýblıkalyq aktsııasy jarııalanǵan bolatyn. Osy oraıda partııanyń Keles aýdandyq fılıalynyń tóraǵasy Aqmentaı Esbaev pen tóraǵanyń birinshi orynbasary A.Jumabekov, «Abaı» bastaýysh partııa uıymynyń tóraǵasy E.Ábdiraqymov Abaı aýylyndaǵy turmysy tómen otbasylarǵa baryp, «Naýryz» merekesimen quttyqtady. Іndetten saqtaný quraldary men birinshi kezektegi qajetti azyq-túlik ónimderin jetkizip, ár otbasyna antıseptık pen medıtsınalyq betperde aparyp berdi. Sonymen qatar, makaron ónimderi, qaraqumyq, kúrish, qant, qury shaı, as tuzy, pechene jáne ósimdik maıy salynǵan sebet tabystady.
Al, Shardara aýdanynda bir otbasy baspanaly boldy. Oblys ákiminiń bastamasymen qolǵa alynǵan «Qamqorlyq» baǵdarlamasy aıasynda az qamtylǵan jáne týylǵannan III top múgedegi Ersultan Saılaýulynyń otbasyna 4 bólmeli úıdiń kilti tabys etildi. Aýdan ákimi Qaırat Joldybaıdyń bastamasymen demeýshiler qoldaý kórsetip, kópbalaly otbasy qýanyshqa bólendi. Baspana alýǵa jumsalǵan qarjy Shardara aýdanynynyń 55-jyldyǵyna oraı, jergilikti jáne aýdannan shyqqan kásipker azamattardyń demeýshiligimen qarastyrylǵan bolatyn.
